سەرەکی
حەمید خواستی
سەنتەرێ کۆماتە پەیامەکا بەھیداریێ ئاراستەی مالباتا پێشمەرگێ دێرین حەمید خواستی دکەت
مالباتا خودێ ژێ رازی حەمید خواستی زۆر بەڕێز
خەبەرێ وەغەرا دوماھیێ یێ پێشمەرگە و تێکۆشەرێ دێرینێ گەلێ مە و ھەلگرێ مــیدالیا بــارزانـیێ نەمــر کاک (حەمید خواستی) ئەم گەلەک خەمگین کرین.
کاک حەمید پێشمەرگەکێ دێرین و فەرمانەدکێ چاڤنەترسێ شۆڕشێن ئەیلۆل و گولانێ بوو و نموونەیا قەھرەمانیێ، فیداکاریێ و قوربانی دانێ بوو و شووین تلێن وی د بزاڤا ڕزگاریخوازیا گەلێ کوردستانێ دا گەلەک دیارن، ژ دەستدانا کاک حەمید زیانەکا گەلەک مەزنە بۆ مە ھەمیا.
ئەم ب ڤێ ھەلکەفتنا خەمگین، بەھیداریێ ل مالباتا ھەوە یا ھێژا و تەڤایا ھەڤال و ھاڤچەپەرێن خودێ ژێ رازی دکەین، لاڤا ژ خودایێ مەزن و دلۆڤان دکەین رەحمەتێ ب بھەشتا خۆ یا بەرین شاد بکەت و دووماھی خەم و نەخۆشیا مالباتا ھەوە بیت.
انا للە وانا الیە راجعون
سەنتەرێ کۆماتە یێ دەکۆمێنتکرنا دیرووکا شۆڕشێ
١٤ نیسانا ٢٠٢٥
-
ژ ھەژی گۆتنێ یە کو سەنتەرێ مە ل ڕێکەفتی ٢٠٢٢⁄١١⁄٢١ دیدارەکا ڤیدیۆیی دگەل کاک حەمیدی سازکریە و دیرووکا خەباتا وی تۆمارکریە و ژ ناڤچوونێ پارەستیە
