ب خەم و کۆڤانەکا مەزن پێشمەرگە و کادرێ دێرینێ شۆڕشا گولانێ و گارگێڕێ لقێ ئێک (عبدالسلام بایەزید) ژ ئەگەرا نەخۆشیەکێ وەغەرا دوماھێێ کر و ل گۆڕستانا شاخکێ ب ئامادەبوونا بەڕێزان عبدالخالق بابیری بریکارێ وەزارەتا پێشمەرگەی و عەمەر ئۆرەیی بەرپرسێ لقێ ھەشتێ پارتی ڕزگار کێستەیی بەرپرسێ سەنتەرێ کۆماتە یێ دەکۆمێنتکڕنا،دیرووکا شۆڕشێ و گارگێڕ و کادرێن لقێ ئێک و ھەژمارەکا بەرچاڤ ژ دۆست و ھەڤال و مالبات و کەس و کارێن خودێ ژێ ڕازی ب خاک ھاتە سپارتنێ. پشتی ڕێوڕەسمێن بخاک سپارتن، بەڕێز عبدالخالق بابیری پەیڤەک پێشکەشکر و ڕۆناھی ئێخستە سەر قوناغێن سەخت و دژوارێن خەباتا خودێ ژێ ڕازی و پرسە و سەرەخۆشی ل جەنابێ سەرۆک بارزانی و سەرکردایەتیا پارتی دیموکراتی کوردستان و مالبات و کەس و کارێن وی کر و ژ دەستدانا کاک عبدالسلام ب خسارەتیەکا مەزن بۆ پارتی و مالبات و ھەڤال و دۆستێن وی ل قەلەم دا.
ئەم ژی بناڤێ سەنتەرێ کۆماتە یێ دەکۆمێنتکرنا دیرووکا شۆڕشێ پرسەو سەرەخۆشیێ ل مالبات و کەس و کارێن وی دکەین و داخوازێ ژ یەزدانێ دلۆڤان دکەین کاک عبدالسلام ب بەهەشتا خۆ شاد بکەت.
سه‌نته‌رێ کۆماته
یێ دێکومهنت کرنا دیرووکا شۆڕشێ
کار و ئهرکێ سه‌نته‌رێ کۆماته دێکۆمێنت کرن و پاراستنا دیرووکا شوڕشێ یه ژ مرن و ژناڤچوونێ.
ڤی سهنتهری ب ستافهکێ بچووک و شیانێن ساده، لێ ب ڤیان و باوهریهکا مهزن، وهک پێنگاڤا خوه یا کاری یا ئێکێ، دهست ب کۆمکرن، دێکۆمنێت کرن و تۆمارکرنا دیرووکا خهبات و شۆڕشا کوردستانێ کریه.
