پێشمەرگێ دێرین مەجید عەبۆش هەلگرێ خەما ٩ برا و پێنج برازایێن شەهید

سەنتەرێ کۆماتە یێ دەکۆمێتکرنا دیرووکا شۆڕشێ د بەردەوامیا کار و چالاکیێن خوە دا، ل باژێڕێ زاخۆ دبیتە میڤانێ پێشمەرگە و خەباتکەرێ دێرین مەجید عەبۆش و هەڤدیتنەکا ڤیدیۆیی دگەل سازدکەت و دیرووکا خەبات و تێکۆشینا وی تۆمار دکەت و ژ ناڤچوونێ دپارێزیت.

مەجید عەبۆش مسطۆ شەمۆ یێ ناسیار ب مەجید عەبۆش ل سالا ١٩٥٤ ل گوندێ کەرپتێ ل دەڤەرا سندیان هاتیە سەر دنیایێ.ل ساڵا ١٩٦١ بابێ وی دچیتە پێشوازیا بارزانیێ نەمر ل دەڤەرا دەڤەرا دۆسکیا و ل ساڵا ١٩٦٢ دبیتە پێشمەرگە، برایێن وی ئیسماعیل، حەمید، سەعید، تەیار، سەلیم و مستەفا ژی هەمی دبن پێشمەرگە.مەجید بخوە ژی ل ساڵا ١٩٦٩ دبیتە پێشمەرگە دگەل هێزا حەسەن تەیب سەیدا و پشکداریێ د شەڕێن ئاڤگەنیێ و کێوەڕەشی دا دکەت. د شەڕی كێوە ڕەشی دا پێشمەرگێ تۆپچی عەبدولرەحمان سلۆ شەهید دبیت، مام مەجید دگەل جەنازێ وی تێت هەتا حاجی ئۆمەران و وی ل وێرێ وی دڤەشێرن.پشتی شکەستنا شۆڕشێ بابێ وی دگەل چەند خویشك و برایێن وی ژ ئالیێ ڕژێمێ ڤە بۆ باژێرێ حلە ل ژێریا ئیراقێ تێن دوورئێخستن.ل ساڵا ١٩٧٦ پێشمەرگێ دێرین محەمەد خالد بۆسەلی دگەل مەفرەزەکا پێشمەرگەی تێتە دەڤەرا زاخۆ، مام مەجید و پسمامێ وی محەمەد یۆسف و چەند کەسێن دی دکەڤنە د ناڤ ڕێکخستنێن پارتی دا و دەست ب کار چالاکیێن نهێنی ل دژی رژێمێ دکەن و بەلاڤۆکێن شۆڕشێ هەتا باژێرێ حلە دبەن.ل سالا ١٩٧٧ ئەو و هەڤالێن خوە، ئیسماعیل، ئەیوب قۆتاس، مەحمود محەمەد تێلۆ، عەلی محەمەد سالح تلخەتی ڕێبەریێ بۆ مەفرەزا پێشمەرگێ دێرین حەمید خواستی بۆ ئەنجامدانا چالاکیەکا لەشکەری ل پشتا گوندێ کەرپتێ دکەن.پشتی ڤێ چالاکیێ ڕژێم شڤانەکی و تتەر مەلا خالد و مەحمود عەزیز و عەبدوللا عزەت دگرن.مەجید و هەڤالێن خوە ب شەڤ ب چەکێ خوەڤە دبن پێشمەرگە و ب ڕۆژێ ژی ژیانا خوە یا ئاسایی بڕێڤە دبەن.مەحمود یوسفێ پسمامێ مەجیدی بۆ دیتنا غازیێ سینەمێ و محەمەد کوردی وى دگەل خوە دبەتە مالەکێ ل سپیدارۆکا سندیا، مێڤانەك ل وێ مالێ بوو، ئەو میڤان سیخۆەڕی ڕژێمێ بوو، مەحمود ب ڤەکری ل دەف وی دئاخڤیت و هەر تشتی ئاشکرا دکەت.پشتی ڤێ هەڤدیتنێ پۆستەك ژ ناڤ پێشمەرگەی بڕێیا وی مێڤانی بۆ سەعیدێ برایێ مەجید تێت، ئەو ژی وێ نامێ ڕادەستی ئیستخباراتا زاخۆ دکەت.ئیستخبارات سەعید عەبۆشێ برایێ مەجید دگرنئەو سیخوڕ ل شەڤا سپیدارۆکێ ناڤێن هەمی رێکخستیان دبینیت، وان ناڤان هەمیا ددەت ئیستخباراتێ، ئیستخبارات ژی مەجید عەبۆش و هەژمارەکا گوندیێن وی دگریت و وان ٧ شەڤ و ڕۆژان ئیشکەنجە ددەن. سیخوڕ ب هندێ بتنێ ڕاناوەستیت، ئەو بخوە دچیت ئیستخباراتێ د ڕویێ وان دا شەهدەیێ ل سەر وان ددەت کو وان ئابوونەیێن داین.پشتی هینگێ ئیستخبارات وان دهنێریت ودهۆکێ و پاشی وان بۆ هەیئا کەرکووکێ دبەن.مەحمود یوسفێ پسمامێ مەجید عەبۆش و بەرپرسێ ڕێکخستنا وان، خوە قوڕتال دکەت و دگەهیت ناڤ ڕێزێن شۆڕشێ.ڕژێم سیخوڕی بخوە ژی دگریت و هەتا کەرکووکێ وی ژی دبەت.سیخوڕ ل کەرکووکێ و ل ژێر فشارا مەجید عەبۆش و هەڤالێن وی ژ وان داپێدانێن وی ل سەر وان داین لێڤەدبیت و دبێژیت کو وی بێبەختی یا ل وان کەسا کری. مەجید عەبۆش و ھەڤالێن خوە پشتی سێ هەیڤ و نیڤان تێن ئازادکرن، لێ جارەکا دی ژ لایێ ئەمنا باتیفا ڤە ب (تاوانا) هاریکاریا پێشمەرگەی تێنەڤە گرتن، وان دبەن زاخۆ، پاشی وان دبەن دهۆکێ، ڤێ جارێ ژی ١٠ ڕۆژان د زیندانا ئەمنا دهۆکێ دا دمینن.پسمام و بەرپرسێ ڕێکخستنا وان مەحمود یوسف ل ساڵا ١٩٧٧ شەهید دبیت.مەجید عەبۆش ل ساڵا١٩٧٩ جارەکا دی ژ لایێ ڕژێمێ ڤە تێت گرتن، پشتی ئازاد دبیت، ئەو و هەرسێ برایێن خوە ئیسماعیل، حەمید و سەلیم دڕەڤن و پەیوەندیێ ب ڕێزێن شۆڕشێ دکەن. هەر چوار برا وەکو زێرەڤان لگەل جەهوەر نامق دمینن و هندەك جاران ژی دگەل مەفرەزا محۆ گەودا تین دەڤەرێ.پشتی کۆنگرا ٩ێ هەر چوار برا دبن زێرەڤانێن تایبەتێن هەجەر سندی.ل ساڵا ١٩٨٢ دگەل محۆ گەودا ل ڕێکخراوا شەهید مەحمود یوسف درێژیێ ب خەباتا خوە ددەن و پشکداریێ دگەلەك چالاکیێن لەشکەری دا دکەن.پشتی هینگێ مەجید عەبۆش ل ڕێکخراوا مهاباد دبیتە ئامر مەفرەزە و ئیسماعیلێ برایێ وی ژی دبیتە جێگرێ وی و پشکداریێ دگەلەك چالاکیێن لەشکەری دا دکەن وەکی، بووسا دێریشکێ، بەرسینگگرتنا هێرشا دوژمنی بۆ سەر هەردوو لژنێن زاخۆ و دهۆکێ ل گەلیێ هارینا، بووسا پشتا ئاڤا خرابا ل پشت باتیفا، گرتنا فەوجا شەرانش، گرتنا فەوجا دێمکا و بووسا ئاشێت ئاڤگەنیێمەجید عەبۆش ل ساڵا ١٩٨٧-١٩٨٨ دبیتە جێگرێ بەرپرسێ ڕیکخراوێ.هەڤدەم دگەل داستانا کانیماسێ کەمینەکێ ل سەر جادا زاخۆ-بێرسفێ ددانن، بیکەیسیەکێ و هەژمارەکا چەکێ سڤك ڕادکەن و ئەفسەرەکێ ئیستخباراتێ دگرن. ل ١١/١/١٩٨٨ دگەل ڕێکخرارا خوە پشکداریێ د داستانا دێرەلووکێ دا دکەن و هەژمارەکا رەبیان ڕادکەن.ل ئەنفالا ڕژێم بارەگایێ تویکا کیمیاباران دکەت، ١٤ پێشمەرگە شەهید دبن، ئەو ژی تێن غولدیا و ل گرێ بیێ دەربازدبن، لێ ڕێک ژ لایێ ڕژێمێ ڤە تێن گرتن. مەجید و ئیسماعیلێ برایێ خوە ب تنێ ژ بنەمالا خوە دەرباز دبن، ٩ برایێن وی وزاڕۆك وان بێسەروشوین دبن .ل کەشانێ خالێ خوە ئەیوب قۆتاس دگەل هەژمارەکا پێشمەرگا دبینیت. مەجید عەبۆش زاڕۆکێن خوە ڕادەستی برایێ خوە ئیسماعیل دکەت وئەو خالێ خوە ئەیوب د دیویف مرۆڤێن خوە یێن دی دا دچن خیزاڤا، بڕێڤە هەژمارەکا پێشمەرگا دبینن، کو فەرماندێن لەشکەر و بەرپرسێن ڕێکخراوان دناڤ وان دا هەبوون، هەژمارا وان ١٩ کەس بوون، مەجید عەبۆش بتنێ ڤەدگەریت، یێن دی هەمی خوە ڕادەستی ڕژێمێ دکەن.مەجید عەبۆش پشتی ژ برا و کەس وکارێن خوە بێهیڤی دبیت ڤەدگەڕیتەڤە و دچیت ئالیشکێ، ل وێرێ ئەکرەم مایی دگەل هدەك پێشمەرگا دبینیت، بەلگەنامێن خوە دسۆژن، سوپا و جاشێن ڕژیمێ ژی دگەهیت کانیا گەریۆلکێ و دبیتە شەڕ.(عەلی خواجە) پەکەکە بوو و دگەل پارتی پێشمەرگە بوو، ل مەرگەهێ ب تورکی دئاخڤیت، ئەو و ئویستەیمەن هەڤدوو همبێز دکەن، ئەو دەردکەڤیت میتێ ڕژێما تورکیا، نەزیر ژی پەکەکەیە و پێشمەرگەیە دگەل پارتی، ئەو نەوێریت خوە ڕادەستی ڕژێما تورکیا بکەت، نەچاردبیت خوە ڕادەستی ڕژێما ئیراقێ دکەت و پاشی وی دبەن بەحرکێ ل دەف دایکا مەجیدی، ل وێرێ ڤێ چیرۆکێ بۆ وێ ڤەدگێڕیت.مەجید عەبۆش و زاڕۆکێن خوە و برایێ وی ئیسماعیل خوە ڕادەستی ڕژێما تورکیا دکەن و وان دبەن کەمپا دیاربەکرێ و هێشتا چ ژ برایێن خوە نزانیت. پاشی بڕیا تێلەفۆنێ دزانیت کو یێن کەتین دەستێ ڕژێمێ و ئەو یێن برین باتیفا و پاشی یێن برین کەلها نزارکێ کو ئەو ژی:دایکا وی، ٩ برا و ٧ ژنبرایێن وی و زارۆکێن وان بوون.هەر ٩ برایێن وی دگەل برازایەکێ وی ژ لایێ ڕژێمێ ڤە تێن