په‌یاما سه‌رۆک بارزانی بۆ وه‌غه‌را دۆماهیێ یا پێشمەرگە و خەباتکار مستەفا ئامێدی
په‌یاما سه‌رۆک بارزانی بۆ وه‌غه‌را دۆماهیێ یا پێشمەرگە و خەباتکار مستەفا ئامێدی
ئەڤرۆ دووشەمبی 3/4/2023، سەرۆک بارزانی پەیامەک بۆ وەغەرا دیماھیێ یا مستەفا ئامێدی، خەباتکەرێ بەرنیاس و قه‌هره‌مان و تێكۆشه‌رێ كوردستانێ و پێشمەرگە ل هەردوو شۆرەشین ئەیلوول و گوڵانێ و هەڵگرێ مێدالا بارزانیێ نەمر، بەلاڤ کر.
ئەڤە دەقێ پەیاما سەرۆک بارزانییە:
ب ناڤێ خودایێ مه‌زن و دلۆڤان
ب خه‌م و كۆڤانه‌كا مه‌زنڤه خه‌به‌رێ وه‌غه‌را دۆماهیێ یا تێکۆشەر و خەباتگێڕێ گەلێ مه و پێشمه‌رگێ هه‌ردوو شۆڕه‌شێن ئەیلوول و گوڵانێ (مستەفا حوسێن محەمەد ئامێدی) ناسیار ب مدیر گه‌هشته من.
مستەفا ئامێدی شۆڕشگێر و قەهرەمان و هەڵگرێ مەدالیا بارزانی و وەفادارێ ڕێبازا کوردایەتی و نیشتیمانپەروەریێ بوو و، ژیانا خۆ پێخەمەت دۆزا مللەتێ خۆ تەرخان کر و نموونێ مێرخاسی و ماندینه‌ناسیێ بوو و ژ ده‌ست دانا وی خوساره‌ته‌كا مه‌زنه.
سەرەخۆشیێ ل بنەماڵە و خزم و کەسوکارێت خودێ ژێ رازی و هەمی خەباتگێڕ و پێشمەرگێت کوردستانێ دکەم و خۆ ب هه‌ڤپشكێ خەما وان دزانم.
داخازا من ژ خودایێ مه‌زن ئه‌وه ڕۆحا خودێ ژێ رازی مستەفا ئامێدی ب به‌هه‌شتا به‌رین شاد بكه‌ت و سه‌بر و هه‌دارێ بده‌ته هه‌می لایه‌كێ.
سه‌نته‌رێ کۆماته
یێ دێکومهنت کرنا دیرووکا شۆڕشێ
کار و ئهرکێ سه‌نته‌رێ کۆماته دێکۆمێنت کرن و پاراستنا دیرووکا شوڕشێ یه ژ مرن و ژناڤچوونێ.
ڤی سهنتهری ب ستافهکێ بچووک و شیانێن ساده، لێ ب ڤیان و باوهریهکا مه‌زن، وهک پێنگاڤا خوه یا کاری یا ئێکێ، ده‌ست ب کۆمکرن، دێکۆمنێت کرن و تۆمارکرنا دیرووکا خهبات و شۆڕشا کوردستانێ کریه.
