سەنتەرێ کۆماتە پشتی ساڵەکێ قۆناغەکا نوی و کۆمەکا بەرهەمێن بهاگران

سەنتەرێ کۆماتە پشتی ساڵەکێ
قۆناغەکا نوی و کۆمەکا بەرهەمێن بهاگران

ئەڤرۆکە رۆژا پێنج شەمبێ 17/11/2022 دەمژمێر 4 ئێڤاری ل هۆلا محمد عارف جزیری چالاکیەک ژ ئالیێ سەنتەرێ کۆماتە ڤە هاتە ئەنجامدان، کو ژ دوو برگا پێکدهات:
1- کار و چالاکیێن سەنتەرێ کۆماتە د دەمێ ساڵەکێ دا، کو ب کورتی بڤی شێوەی نە:
– د دەمێ ساڵەکێ دا 100 چاڤپێکەفتنێن درێژێن ڤیدیویی هاتینە ئەنجامدان کو دبنە 405 دەمژمێر ، لگەل ئەرشیفکرنا هەژمارەکا مەزنا وێنا و بەڵگەناما.
– هاریکاریکرنا رووداو د چێکرنا 5 فلمێن دەکۆمەنتار و سێ پرۆگرامێن پەنجەمۆر ل سەر وان خەباتکەرێن سەنتەری چاڤپێکەفتن لگەل کرین.
– ئیمزاکرنا لێکتێگەهەشتنەکێ لگەل سەنتەرێ زاخۆ یێ ڤەکۆلینێن کوردی ژ بۆ چاپکرنا هەمی چاڤپێکەفتنێن سەنتەری کرین وەک پەرتووک.
– نڤێسین و چاپکرنا بیرەوەریێن پێشمەرگە و کادرێن شۆڕشێ کو پەرتووکا کاک مستەفا مزووری ( چریسکا بەری شۆڕشێ) بەرهەمێ ئێکێ بوو.

2- ئیمزاکرنا پەرتووکا بیرەوەریێن کادر و پێشمەرگێ شۆرشا گولانێ مستەفا مزووری، کو ژ ئالیێ سەنتەرێ کۆماتە ڤە هاتیە چاپکرن.
چالاکی بڤی شێوێ خوارێ هاتە ئەنجامدان:
– بخێر هاتنا مێڤانا ژ ئالیێ کاک ادریس تروانشی ڤە.
– پەیڤا پارێزگەها دهۆکێ ژ ئالیێ کاک ماجد سەید سالح ڤە.
– کورتیەک ل سەر کار و چالاکیێن ساڵەکێ یێن سەنتەرێ کۆماتە ژ ئالیێ رزگار کێستەیی ڤە.
– کورتیەک ل سەر هەماهەنگیا دناڤبەرا سەنتەرێ کۆماتە و سەنتەرێ زاخۆ یێ ڤەکۆلینێن کوردی دا، ژ ئالیێ د. هۆگر تاهر ڤە.
کورتە ڤیدیویەک ژ هندەک هەڤپەیڤینێن کو سەنتەرێ کۆماتە کرین.
– ڤەگێرانا بیرەوەریەکا سەردەمێ شۆڕشێ لگەل کاک مستەفا مزووری ژ ئالیێ کاک محەمەد محسن ڤە
– بەڵاڤکرن و ئیمزاکرنا پەرتووکا بیرەوەریێن کاک مستەفا مزووری یا بناڤێ ( چریسکا بەری شۆڕشێ).
ژ هەژی گۆتنێ یە کو نێزیکی 400 کەسا ژ زیندانیێن سیاسی، ڕۆشنبیر، کەسایەتی، پێشمەرگێن دێرین و گەلەک تەخێن دیێن خەلکێ ڕێزدار ئامادەببوون.
ژ دل و جان سوپاسیا هەڤالێن ستافێ سەنتەرێ کۆماتە دکەم بۆ کارێ و وانێ جوان و ماندیبوونا وان.
سوپاسیەکا ب گول و گولاڤ بۆ وان هەمی بەرێزێن ئامادەبووین و ئێڤارەکا خۆش مە بهەڤرە بووراندی.