سەنتەرێ کۆماتە پێنگاڤەکا دی یا گرنگ دهاڤێژیت ژ بۆ تۆمارکرنا دیرووکا شۆڕشێ

سەنتەرێ کۆماتە پێنگاڤەکا دی یا گرنگ دهاڤێژیت ژ بۆ تۆمارکرنا دیرووکا شۆڕشێ

رۆژا دوو شەمبێ 24.10.2022 ژ بۆ پتر پەیداکرنا دەلیڤێن تۆمارکرنا دیرووکا شۆڕشێ، شاندەکێ سەنتەرێ کۆماتە یێ دەکۆمێنتکرنا دیرووکا شۆڕشێ ب سەرۆکاتیا رزگار کێستەیی بەرپرسێ سەنتەری، سەرەدانا زانکۆیا زاخۆ کر و ژ بال دکتۆر هۆکر تاهر ڕاگرێ کولیژا زانستێن مرۆڤایەتی، دکتۆر عەبدولسەلام نەجمدین سەرۆکێ سەنتەرێ زاخۆ بۆ ڤەکۆلینێن کوردی، دکتۆر نزار ئەیوب و دکتۆر فاخر حەسەن ئەندامێن بۆردێ زانستی ب گەرمی هاتە پێشوازیکرن.
د ڕوونشتنەکێ دا هەردوو ئالیان باس ل میکانزمێن کارێ هەڤپشك و خورتکرنا هەماهەنگیێ دناڤبەرا هەردوو سەنتەران کر و ل دوماهیێ بریار هاتەدان کو پروتوکۆلەکا لێكتێگەهشتنێ دناڤبەرا سەنتەرێ کۆماتە و سەنتەرێ زاخۆ یێ ڤەکۆلینێن کوردی دا بهێتە واژۆکرن، ژ بۆ ئەنجامدانا پرۆژەیەکێ گرنگ و هەڤپشکێ تۆمارکرنا دیرووکا شۆڕشێ.
هەر د چارچۆڤێ ڤێ سەرەدانێ دا شاندێ سەنتەرێ کۆماتە سەرەدانا دکتۆر دیار هالو هاریکارێ سەرۆکێ زانکۆیا زاخۆ بۆ کاروبارێن قوتابیان و دکتۆر شێرزاد زەکەریا ڕاگرێ کولیژا پەروەردێ ل زانکۆیا ناڤبری کر و ب گەرمی هاتە پێشوازیکرن.
دگەل وان ڕێزداران ژی کار و بزاڤێن سەنتەری و پرۆژێ نویێ هەڤپشک لگەل سەنتەرێ زاخۆ یێ ڤەکۆلینێن کوردی هاتە گفتوگۆ کرن.