سەنتەری کۆماتە یێ دەکۆمێنتکرنا دیرووکا شۆڕشێ د بەردەوامیا کار و چالاکیێن خوەدا، ل ڕۆژا ٢٠٢٢⁄٦⁄٧ ل باژێرکێ بامەڕنێ دبیتە مێڤانی پێشمەرگێ دێرین بەھزاد بامەڕنی و دیرووکا خەبات و تیکۆشینا وی تۆماردکەت و ژ ناڤچوونێ دپارێزیت.بەھزاد رەمەزان رەجەب یێ ناسیار ب به‌هزاد بامەڕنی، ل سالا ١٩٥٦ ل بامەڕنێ هاتیە سەر دنیایێ و هەر ل وێرێ هەتا پۆلا پێنجێ سەرەتایی خواندیە. بابێ وی یێ ناسیار ب رەمەزان حەداد ل دەستپێکا شۆڕشا ئەیلۆلێ ب ئه‌گه‌رێ هاریکاریا شۆڕشێ تێتە گرتن، زارۆکێن وی ژی بێ سەمیان دمینن و نەچار دبن بچنه بێگۆڤا و هەتا رێکەفتنا ١١ ئادارێ ل وێرێ دمینن.ب دەمەکێ کێم پشتی شکەستنا شۆڕشا ئەیلۆلێ ل ساڵا ١٩٧٥، بەھزاد بامەڕنی دگەل برایێ خوە زھێر بامەڕنی و ھەڤژینا وی سەنا و گرۆپەکا دی یا بامەڕنیان، ژیوارێ شکەستنێ و ژێردەستیا دوژمنی رەتدکەن و ژیانەکا تژی ئاستەگ و ئەڤرازی و نشیڤی ب ئۆمێدا ژنووڤە گەشبوونا چریسکا شۆڕشێ دھەلبژێن و ل گوندێن سنووری یێن باکوورێ کوردستانێ ئاکنجی دبن و پاشی دبنە خەتیرا ئێکێ یا شۆڕشا گولانێ.پشتی ھاتنا سەرکردایەتیا دەمکی یا پارتی دیموکراتی کوردستان بۆ دەڤەرێن سنووریێن ل ناڤبەرا باکوور و باشوورێ کوردستانێ و دەسپێکرنا ڕێکخستا پەنابەرێن کوردێن باشوور ل وان دەڤەران، بەھزاد بامەڕنی دبیتە ئێک ژ پێشمەرگێن دەستپێکی یێن شۆڕشێ و ژبەر پاکی و دلسۆزیا وی دبیتە زێره‌ڤان و ھەلگرێ بەلگەنامە ودەکۆمێنتێن تایبەتێن جەوهەر نامق، ل دەستپێکێ ل گوندێ دویلێ و پاشی ل بێرمانێ و دویڤدا ل کۆماتەی.کاک به‌هزاد ئێکەم گەڕا خوە ل ساڵا 1978 بۆ باشوورێ کوردستانێ دگەل جه‌وهه‌ر نامق ئه‌نجامدده‌ت. دڤێ گەڕێ دا چەندین چالاکیێن ل دژی بنکە و بارەگایێن ڕژێمێ ل ھرۆرێ، بابیرێ، گەلیێ دھێ و سەرسنکێ ئەنجامددەن. د چالاکیا سەرسنکێ دا پێشمه‌رگه فەرماندێ ھێزێن قەعقاع دکوژن و ترسه‌کا مه‌زن دئێخنه د دلێ دوژمنی دا. ئه‌ڤ چالاکیه هه‌می ب چاڤدێریا جه‌وهه‌ر نامق تێنه ئه‌نجامدان، لێ پێشمه‌رگه ناهێلن ئه‌و پشکداریا ڕاسته‌وخۆ تێدا بکه‌ت و کاک به‌هزاد ژی وه‌ک هه‌لگرێ نهێنیێن شۆڕشێ هه‌ر لگه‌ل کاک جه‌وهه‌ری بوویه.هه‌ر دڤێ گه‌ڕێ دا هێزا پێشمه‌رگه‌ی ب سه‌رپه‌رشتیا جه‌وهه‌ر نامق دچیته چیایێ خێرێ و پاشی خوه به‌ردده‌ته ده‌شتا ده‌ڤه‌را شێخان. ئارمانجا پێشمه‌رگه‌ی ئه‌وه کو ئاگه‌هداریه‌کێ بده‌نه وان عه‌ره‌بێن کو ڕژێما سه‌دامی ئیناین و داناینه سه‌ر گوندێن کوردان و کورد ژێ ده‌رێخستین، دا کو ئه‌و ڤان گوندان بۆ خودانێن وان بهێلن و ژێ ده‌رکه‌ڤن. لێ مخابن پێشمه‌رگه ل گوندێ به‌رکچکێ دکه‌ڤنه به‌ر شێلکێن گوللێن عه‌ره‌با و کادرێ چه‌له‌نگ و ژێهاتیێ له‌شکه‌ری حه‌مید حه‌فزلا شه‌هید دبیت.پاشی ئه‌و گه‌ڕا خوه به‌رده‌وام دکه‌ن به‌ره‌ڤ دەڤەرا چه‌مانکێ و گاره‌ی و پاشی بۆ ده‌ڤه‌را نێروە و مزووری ژووری و تا کو سه‌ر سنوورێ باکوور و پاشی به‌ره‌ڤ باره‌گایێ هه‌رێما دوو ل هه‌رک و بێداڤ دچن. ل وی ده‌می زھێرێ برایێ وی ژی وه‌ک فه‌رماندێ مه‌فره‌زێ لگه‌ل مه‌فره‌زا خوه بۆ ده‌ڤه‌را هه‌رێما دوو تێته ڤەگوھازتن.پاشی کاک به‌هزاد دگەل جه‌وهه‌ر نامق و هێزا پێشمه‌رگێ دگه‌ل دا دچنه بارەگایێ سامی عەبدالرحمن ل گه‌لیێ گۆسته‌ی. پشتی ده‌مه‌کی ژ وێرێ دزڤڕنه‌ڤه باره‌گایێ هه‌رێما ئێک ل کۆماته‌ی.بڤی ئاوای بەھزاد بامەڕنی ڕۆژ ب ڕۆژ پتر دبیتە جھێ باوەریا جه‌وهه‌ر نامق. ل ساڵا ١٩٧٩ ژبۆ پشکداریکرنێ د کۆنگرا ٩ ێ یا پارتی دا دگەل وی دچیتە ڕۆژھەلاتێ کوردستانێ، لێ پشتی وان کێشە و ئالۆزیێن د کۆنگرێ دا سەرھەلداین و چوونا جه‌وهه‌ر نامق بۆ ئه‌ورۆپا، بەھزاد بامەڕنی و دگەل برایێ خوە زھێر و ھەژمارەکا پێشمەرگێن پارتی پەیوەدیێ ب حزبا دیموکراتا کوردستانا ئیرانێ ( حدکا) دکەن و دگه‌ل ثێشمه‌رگێن وان چەندین چالاکیێن لەشکەری ل دژی ھێزێن ڕژێما ئیرانێ ل دەڤەرێن ئورمیێ و نەغه‌دێ و مهابادێ ئەنجامددەن.پشتی ده‌مه‌کی سه‌رکردایه‌تیا پارتی بزاڤێ دکه‌ت و وان دزڤڕینیته‌ڤه ناڤ پارتی و هێزا وان دچیت پشکداریێ د شەڕه‌کێ مه‌زن دا دکه‌ت ل قەندیلی.کاک به‌هزاد ل ساڵا ١٩٨١ ڤەدگەریتەڤە کۆماتەی، زھێرێ برایێ وی دبیتە بەڕپرسی ڕێکخراوه‌کا له‌شکه‌ری، بەھزاد ژی ل وێ ڕێکخراوێ درێژیێ ب خەباتا خوە ددەت. کاک به‌هزاد ل رۆژا 25.3.1981 پشکداریێ د شەڕێ مه‌زنێ باسکا ل دا دکەت. دڤی شه‌ڕی دا، سپێده‌یه‌کا زوو ئه‌و ل سپنێ بامـه‌ڕنێ ل هشارێ بوون و له‌شکه‌رێ ئیراقێ ژ سکرینێ، سه‌رسنکێ، مه‌یدانکا ڕوڤیا، ئه‌ره‌دنا و بامه‌ڕنێ ڤه هێرشێ دکه‌نه وان و وان دۆرپێچ دکه‌ن، ژ به‌رێ سپێدێ شه‌ڕه‌کی مه‌زن ده‌ستپێدکه‌ت و هه‌تا تاری دکه‌ڤیته ئه‌ردی ئه‌ڤ گرۆپێ پێشمه‌رگه‌ی شه‌ڕه‌کێ قاره‌مانانه دکه‌ن و هه‌ژماره‌کا مه‌زن ژ له‌شکه‌رێ دوژمنی دکوژن. لێ مخابن هه‌ردوو هه‌ڤالێن وان موسا ئه‌مین بامه‌ڕنی و حازم فه‌تاح بامه‌ڕنی، هه‌تا ئێڤاری شه‌ڕه‌کێ مێرانه دکه‌ن و پشتی فیشه‌کێن وان خلاس دبن، دوژمن وان دشکه‌فتێ ڤه دۆرپێچ دکه‌ت، لێ وان نه‌ڤێت بساخی بکه‌ڤنه ده‌ستێ دوژمنی، لۆما ئه‌و ب وان هه‌ردوو گوللێن ماینه لگه‌ل وان خۆ شه‌هید دکه‌ن و ناهێلن بساخی بکه‌ڤنه ده‌ستێ دوژمنی.کاک به‌هزاد ل ساڵا ١٩٨٢ بڕێکا هنده‌ک هه‌ڤالێن خوه پەیوەندیێ ب پارتی گەل دکەت و دڕێکا باکوورێ کوردستانێ ڕا دگەل ھندەک ھەڤالێن خوە دچیتە سوریێ، عبداللە سالح ل مەعلولێ پێشوازیێ لێ دکەت، پاشی دچیتە باژێڕێ سۆر ل لبنان. ل وێرێ دگەل بەرەیێ دیموکراسی یێ فەلستینی (الجبھە الدیمقراطیە) دەست ب مەشق و ڕاھێنانێن لەشکەری ل سەر چەکێن بی ١٠، دۆشکە، ئاربیجی و گەلەک جۆرێن دی یێن چەکی دکەت.پشتی ٦ مه‌ها ڤەدگەریتە قامشلۆ و دوێرێ ڕا دگەل ھێزەکا سەربازی یا پارتی گەل یا 150 که‌‌سی ب سەرپه‌رشتیا کەریم شەنگالی و عبداللە سالح تێنە باشوورێ کوردستانێ ل ده‌ڤه‌را زاخۆ باره‌گایێ خوه دداننه سەناتێ.بەری ئەو ھێز بھێته کوردستانێ سامی عبدالرحمن وان ئاگەھداردکەت کو هه‌می ڕێکارێن پێدڤی بۆ چوونا وانا کوردستانێ و پاراستن و خه‌باتکرنا وان یێن هاتینه وه‌رگرتن و ئەو ژی پشتی ٢٠ ڕۆژێن دی دێ گەھیته وان ل کوردستانێ. لێ پشتی ئه‌و دگه‌هنه سه‌ناتێ دبینن کو هیچ ڕێکاره‌کا پێدڤی بۆ هاتنا وان نه‌هاتیه وه‌رگرتن و چ هه‌ماهه‌نگی ژی دناڤبه‌را وان و هێزین پارتی دا نینه ل کوردستانێ، لۆما ئه‌و ل سه‌ناتێ تووشی لێکدانێ دبن لگه‌ل پێشمه‌رگێ پارتی دیمۆکراتی کوردستان و ژ ئه‌نجامێ ڤێ چه‌ندێ ژی هێزا وان ژێک بژاڵه دبیت وهنده‌ک سه‌رکرده و کادرێن وان دچن په‌یوه‌ندیێ ب ئیستخباراتا فرقا له‌شکه‌رێ ئیراقێ دکه‌ن و دچنه زاخۆ و هنده‌ک ژی تێن ڕاده‌ستی پێشمه‌رگێ پارتی دبن و دگه‌ل پارتی دبنه پێشمه‌رگه و هنده‌ک ژی ب سه‌رپه‌رشتیا که‌ریم شه‌نگالی دزڤڕنه‌ڤه سوریێ. بەھزاد ژی دگەل ھندەک ھەڤالێن خوە نەچاردبیت ڤەگەڕیتەڤە سوریێ.پشتی ھینگێ کاک به‌هزاد دگەل ھندەک ھەڤالێن خوە د ڕێکا پێشابیرێ دا ڤەدگەریتەڤە کوڕدستانێ و ڕاستی شەرەکی دگەل ھێزەکا جاشان تێن و سەرۆک جاشەکی برینداردکەن.پاشی ئه‌و ڤەدگەریتەڤە سوریێ و ل ساڵا ١٩٨٤-١٩٨٥ دەست ژ پارتی گەل بەرددەت و دچیته دگەل بەرەیێ دیموکراسی یێ فلستینی ب سەرۆکاتیا (نایف الحواتمە) ھەتا ساڵا ١٩٩١ ل لبنانی دمینیت.پشتی سەرھەلدانێ ڤەدگەریتەڤە کوردستانێ و جارەکا دی دگەل برایێ خوە زھێر دبیتەڤە پێشمەرگە و ڕۆلی خوە د ئەندازیاریا ھەلگرتنا میناندا دبینیت.پشتی ڕۆخانا ڕژێما سەدام دگەل سەعید کێستەیی دچیتە شەنگالێ. پاشی ل ساڵا ٢٠٠٧ ب پلا ملازم خانەنشین دبیت.بەھزاد بامەڕنی دگەل شەش برا و ژنبرا و بابێ خوە رەمەزان حەداد، ل دەستپێکا شۆڕشێ دبنه پێشمەرگە و ڕۆلەکێ مەزن د ھەلکرنا چریسکا شۆڕشا گولانێ دا دبینن. دهه‌مان ده‌م دا ل ده‌ستپێکا شۆڕشێ چه‌ند ساڵان ده‌یک و خوشک و ژن و زارۆکێن مالباتا وان ل زیندانێن بیابانێن باشووڕێ ئیراقێ هاتبوونه زیندانکرنێ و ب ساڵان ئه‌و دبن ئه‌شکه‌نجا فاشیستێن عه‌ره‌ب دا ژیانه.نوکه کاک به‌هزاد لگه‌ل ژن و زارۆکێن خوه ل بامه‌ڕنێ دژیت، لێ مخابن ڕەوشا ساخلەمیا وی گەلەکا خرابە، گولچیسکەکا وی ژ کارکەتینە. هەفتیێ سی جارا ژ بامه‌ڕنێ دئیننه دهۆکێ و گولچیسکێن وی دشۆن. مخابن ڤێ دوماهیێ ئێدی ئه‌و ڕهێن ده‌ستێ وی یێن کو بکاردئینان بۆ شوشتنا گولچیسکێن وی، ئه‌و ژی ژ کارکه‌تینه و ئێدی نه‌شێن گولچیسکێن وی بشۆن و ده‌ستێ وی ژی وه‌رمیه و ڕه‌ش و شین بوویه، کو مه‌ترسی که‌فتیه سه‌ر وی ژی. دگه‌ل ڤێ ژی وی شیانێن دراڤی یێن چارەسەریێ نینن و پێدڤی ھاریکاریەکا دەملدەستە.لەوما ب ناڤێ سەنتەرێ کۆماتە ئه‌م داخوازێ ژ لایەنێن پەیوەندیدار دکەین دەستێ ھاریکاریێ بۆ ڤی خه‌باتکه‌رێ دێرین درێژ بکه‌ن و وی ژ مرنێ ڕزگاربکه‌ن.
سه‌نته‌رێ کۆماته
یێ دێکومهنت کرنا دیرووکا شۆڕشێ
کار و ئهرکێ سه‌نته‌رێ کۆماته دێکۆمێنت کرن و پاراستنا دیرووکا شوڕشێ یه ژ مرن و ژناڤچوونێ.
ڤی سهنتهری ب ستافهکێ بچووک و شیانێن ساده، لێ ب ڤیان و باوهریهکا مه‌زن، وه‌ک پێنگاڤا خوه یا کاری یا ئێکێ، دهست ب کۆمکرن، دێکۆمنێت کرن و تۆمارکرنا دیرووکا خهبات و شۆڕشا کوردستانێ کریه.
