دەستپێکا خەباتا خوە یا نھێنی دناڤ سوپایێ ڕژێما عێراقێ دا دەستپێدکەت، ل ساڵا ١٩٦١ پەیوەندیێ ب شۆڕشا ئەیلولێ دکەت و پشکداریێ د داستانا گەلێێ زاخۆ دا دگەل ڕەحمەتیێ سەید سالح و عەریف محەمەدێ سنبلێ دا دکەت، وەکو ئێک ژ تۆپچیێن دەسپێکی یێن شۆڕشا ئەیلولێ دگەل ھێزا تۆپخانا شۆڕشێ یا گەڕۆک ل ھەمی دەڤەرێن کوردستانێ ھەتا شکەستنا شۆڕشێ ل سالا 1975 ڕۆلەکێ مەزن دگێڕیت، ل ناڤەڕاستا ساڵێن ھەشتیان پەیوەندیێ ب شۆڕشا گولانێ دکەت و جارەکا دی ل ڕێکخراوا سەمەدار ل لژنا ئامێدیێ ڕۆڵێ تۆپچیەکێ چەلەنگ ھەتا دەستپێکرنا ئەنفالێن ڕەش دبینیت، و ئاوارەی تورکیا دبیت، دگەل ھەلبوونا چریسکا سەرھەلدانا پیرۆز ڤەدگەریتەڤە کوردستانێ و جارەکا دی درێژیێ ب خەباتا خوە یا پێشمەرگاتیێ ددەت و بەردەوام دبیت تاکو نوکە.
سه‌نته‌رێ کۆماته
یێ دێکومهنت کرنا دیرووکا شۆڕشێ
کار و ئهرکێ سه‌نته‌رێ کۆماته دێکۆمێنت کرن و پاراستنا دیرووکا شوڕشێ یه ژ مرن و ژناڤچوونێ.
ڤی سهنتهری ب ستافهکێ بچووک و شیانێن ساده، لێ ب ڤیان و باوهریهکا مهزن، وهک پێنگاڤا خوه یا کاری یا ئێکێ، دهست ب کۆمکرن، دێکۆمنێت کرن و تۆمارکرنا دیرووکا خهبات و شۆڕشا کوردستانێ کریه.
