سادق گەڵناسکی
قارەمانەکێ تژی ژ هەموو سیفاتێن جوانێن پێشمەرگاتیێ
دگەل ڤەگەڕایانا بارزانیێ نەمر ژ ئێکەتیا سۆڤیەت ئەو دبیتە ئەندامێ ڕێکخستنێن نھێنی یێن پارتی. سادق ئێک ژ وان پێشمەرگێن دەستپێکێ بوویە یێن پەیوەندی ب بارزانیێ نەمر کرین ل ساڵا 1961 و بووینە پێشمەرگە لگەل.
ل دەستپێکا شۆڕشا ئەیلۆلێ ھەتا شەڕێ ل دژی تیرۆرستێن داعش بێ ڕاوەستان د چەپەرێن پێشمەرگاتیێ دا بوویە. مام سادق پشکداریێ د سەدان داستانێن ھەردوو شۆڕشێن ئەیلۆل و گولانێ دا دکەت و ژبەر مێرخاسی و چەلەنگیا وی چەندین پلێن لەشکەری وەردگریت.
ل شۆڕشا ئەیلۆلێ ب گرانی ژ سەرێ خوە برینداردبیت و بیناھیا چاڤەکێ خوە ژی ژ دەست ددەت، ئەو د رێ دایە دا کو بچیتە ئیرانێ چارەسەریا خوە بکەت، د وی دەمیدا هێرشا لەشکەرێ ئیراقێ ل بالەکایەتی تێتە سەر پێشمەرگەی و ئەو ل شوونا چارەسەریێ بەرێ خوە ددەتە چەپەرێن شەڕی ژ بۆ هاریکاریا هەڤالێن خوە یێن پێشمەرگە و د وی شەڕی ژی دا دووبارە بریندار دبیت، لێ دیسان ژی هەر ناچیت چارەسەریا خوە بکەت.
سادق گەلناسکی لگەل پسمامێ خوە عبدالله گەلناسکی ژ کادرێن دەستپێکێ یێن شۆڕشا گولانێ بوویە و پاشی دبیتە بەرپرسێ رێکخراوەکا پێشمەرگەی و ئەندامێ لژنا دهۆکێ.
زێدەباری نەخوەشی، قوربانی و ئەنفال و دەربەدەریێ، کوڕەکێ وی ژی ل شەڕێ دژێ ترورستێن داعش شەھید دبیت.
ب شانازیڤە سەنتەرێ کۆماتە یێ دەکۆمێنتکرنا دیرووکا شۆرشێ،
شیا دوو دیدارێن ڤیدیۆیی یێن نێزیکی 5 دەمژمێرا درێژ دگەل ڤی پێشمەرگێ دێرین و ھەلگرێ میدالیا بارزانی ئەنجام بدەت و ڤێ دیرووکا دەولەمەند یا تژی لاپەڕێن زێڕین و ژ مرن و ناڤچوونێ ب پارێزیت.
