Senterê Komate

Senterê Komate li ser xizmetkirina dîroka zêrîn a qaremanên Kurdistanê berdewam e..

Çend mehek bû em, wek Senterê Komate, digel Dekoment Hawsa Tora Mediyaya Rûdaw û malbata şehîdî, em mijûlî karekî dekomentarî bûn li ser şehîd Şeban Xefar (Elhuyê Behdînan).

Ev film li çend deverên cuda yên Kurdistanê hatiye tomarkirin, wekî devera Şixu, Berwarî Bala, devera Zawîte û Serê Şerminê, me karî karekî ji hejî mezinîya vî şehîdî pêşkêşî giyanê wî yê nemir bikin.

Roja 27.03.2025ê di merasimeke bijarte da ev film li Hola Konferansan li Zanikoya Duhokê hat nîşandan ku, zêdetir ji 1100 heval û hevçeperên şehîdî û xelkê deverê têda amadebûn.

Ya ku zêdetir biha daye vî şehîdî û dîroka wî, amadebûna cenabê Fazil Mîranî berpirsê Desteya Kargêriya Mekteba Siyasiya Partiya Demokrata Kurdistan û amadebûna birêz Ako Mihemed berpirsê Tora Mediyaya Rûdaw bû.

Di destpêka merasimê da, peyvek ji aliyê birêz Ako Mihemed ve hate xwandin û paşî Fazil Mîranî peyiveka gelek buha pêşkêş kir. Di dûv da kak Dilşad, kurê şehîd Şebanî, peyiva malbatê pêşkêş kir. Piştî van peyvan filmê dekumentarî hate nîşandan ku piçek kêmtir ji saetekê bû.

Piştî mersim bidawî hatî, malbata şehîdî hemû mêvan mêvanikirine xurangeha Geverkê bo şîvê.

Em weke Senterê Komate ji dil û can spasiya rêzdar Nêçîrvan Barzanî cîgirê serokê Partiya Demokrata Kurdistanê dikin ku, bi pişitevaniya cenabê wî me karî vê xizimetê pêşkêşî dîroka qaremanên Kurdistanê bikin.

Herwesa em spasiya kak Ako Mihemed berpirsê Tora Medayaya Rûdawê dikin ji ber ku wî ji bo me deriyek vekir ku em bikaribin di wî derî ra xizimeta dîroka van qaremanan bikin.

Gelek spas ji bo hevalên Dekoment Hawsa Tora Medayaya Rûdawê ku, karkirin bi wan ra cihê dlixweşiya me ye.

Spas ji bo malbata Elhuyê Behdînan şehîd Şeban ku bi dil û can bi me ra bûn heta ev karê pîroz bi dawî hatî û filmê dekomenratî gihiştiye aramca xwe.
Senterê Komate ketiye ser rê û gelek projên din yên mezin li ber destê mene ji bo xizimetkirina dîroka qaremanên Kurdistanê.