سەنتەرێ کۆماتە یێ بەردەوامە د خزمەتا دیــرووکا زێـــرینا قـــارەمانێن کـــوردستانێ دا
چەند مەهەک بوو ئەم وەک سەنتەرێ کۆماتە لگەل دێکۆمەنت هاوسا توڕا مێدیایا رووداو و مالباتا شەهیدی، ئەم مژیلی کارەکی دێکۆمەنتاری بووین ل سەر شەهید شەعبان غەفار (ئەلهویێ بەهدینان).
بخۆشحالی ڤە پشتی ئەڤ فلمە ل چەند دەڤەرەکێن جودایێن کوردستانێ هاتیە تۆمارکرن، وەکی دەڤەرا شخو، بەرواری بالا، دەڤەرا زاویتە و سەرێ شەرمنێ، ئەم شیاین کارەکی ژ هەژی مەزنیا ڤی شەهیدی پێشکشی گیانێ ویێ نەمر بکەین.
یا ژ وێ ژی دلخۆشکەرتر ئەو بوو کو ئەم شیاین دوهی 27/3/2025 ڤی فلمی ل هۆلا کۆنفرانسان یا زانکۆیا دهۆکێ نیشابدەین ب ئامادەبوونا پتر ژ 1100 هەڤال و هەڤچەپەرێن شەهیدی و خەلکێ دەڤەرێ.
یا کو هێشتا بها دایە ڤی شەهیدی و دیرووکا وی، ئامادەبوونا جەنابێ فازل میرانی بەرپرسێ دەستەیا کارگێریا مەکتەبا سیاسی یا پارتی دیموکراتی کوردستان و بەڕێز ئاکو محەمەد بەرپرسێ توڕا مێدیایا رووداو بوو.
دەستپێکێ پەیڤەک ژ ئالیێ بەڕێز ئاکو محەمەد ڤە هاتە خواندن و پاشی سەیدایێ فازل میرانی ژی پەیڤەکا پڕ بوها پێشکێشکر، د دووڤ دا کاک دلشاد کوڕێ شەهید شەعبانی پەیڤا مالباتێ پێشکێشکر و دوماهیێ ژی فلمێ دێکومێنتاری هاتە نیشاندان کو پچەک کێمتر ژ سعەتەکێ بوو.
دوماهیێ ژی مالباتا شەهیدی هەموو مێڤان مێڤانکرنە خورانگەها گەڤەڕکێ بۆ شیڤێ.
ل دوماهیێ ئەم وەک سەنتەرێ کۆماتە ژ دل و جان سوپاسیا جەنابێ کاک نێچیرڤان بارزانی جێگری سەرۆکێ پارتی دیموکراتی کوردستان دکەین بۆ پشتەڤانیا جەنابێ وان کو ئەم بشێین ڤێ خزمەتێ پێشکێشی دیرووکا قارەمانێن کوردستانێ بکەین.
سوپاس بۆ کاک ئاکو محەمەد کو بۆ مە دەرگەهەک ڤەکر دا کو ئەم بشێین خزمەتا دیرووکا ڤان قارەمانان بکەین.
سوپاس بۆ هەڤالێن دێکۆمەنت هاوسا توڕا مێدیایا رووداو کو کارکرن لگەل وان جهێ دلخۆشیا مەیە.
سوپاس بۆ مالباتا ئەلهویێ بەهدینان شەهید شەعبان کو ب دل و جان لگەل مە بوون بۆ ڤی کارێ پیرۆز.
سەنتەرێ کۆماتە کەتیە سەر ڕێ و گەلەک پرۆژێن دیێن مەزن ل بەر سینگێ مەنە ژ بۆ خزمەتکرنا دیرووکا قارەمانێن کوردستانێ.
