سەرەکی
ب خەم و دلگرانیەکا مەزن ڤە ئەڤرۆ مام حەیدەر شێخ مەمی ژ ناڤ مە بارکر
ب خەم و دلگرانیەکا مەزن ڤە، ئەڤرۆ ڕێکەفتی ٢٠٢٥⁄٣⁄١٧ پێشمەرگە و خەباتکەرێ دێرینێ گەلێ مە مام حەیدەر شێخ مەمی، ب وژدانەکا ئارام ڤە و پشتی ھەمی ئەرکێن خوە یێن کوردایەتیێ و مرۆڤایەتیێ د ڕاستا گەل و وەڵاتێ خوەدا بجھئیناین بۆ ھەتا ھەتایێ ژ ناڤ مە بارکر.
مام حەیدەر پێشمەرگێ دێرینێ شۆڕشێن ئەیلۆل و گولانێ و ھەلگرێ میدالیا بارزانیێ نەمر بوو و نموونەیا ئارامیێ، سادەیێ، خۆڕاگریێ و فیداکاریێ بوو، ئەو عاشقێ ئازادی و سەرفەرازیا گەل و وەڵاتێ خوە بوو، لەۆما وی د وێ ڕێیێ دا، ژیانا خۆ ھەمی قوربانی وێ ڕێیێ دا ، ژیانا خۆ هەمی قوربانی وێ عەشقا پیرۆز کر.
ئەم ب ناڤێ سەنتەرێ کۆماتە یێ تۆمارکرنا دیرووکا شۆڕشێ سەرساخیێ ل مالبات و کەس و کار و تەڤایا ھەڤال و ھەڤچەپەرێن مام حەیدەری دکەین و خوە ب ھەڤپشکێن خەما وان دزانین، لاڤا ژ یەزدانێ دلۆڤان دکەین ڤێ خەمێ ل سەر مە ھەمیا سڤک کەت و مام حەیدەر ب بھەشتا خوەیا بەرین شاد بکەت .
انا للە وانا الیە راجعون.
ژ ھەژی گۆتنێ یە کو مام حەیدر شێخ مەمی ئێک ژ وان پێشمەرگێن دێرین بەراھییێ بوو ، یێن سەنتەرێ مە خوە ل گەنجینەیا سەربۆڕا وی یا شۆڕشگێری کریە خودان و دیدارەکا درێژ دگەل سازکری و دیرووکا خەباتا وی تۆمار و ئەرشیفکری و ژ ناڤچوونێ پاراستی.
سەنتەرێ کۆماتە
٢٠٢٥⁄٣⁄١٧
