د وێ هه‌ڤپه‌یڤینا 4 ده‌مژمێری دا یا کو مه وه‌ک سه‌نته‌رێ کۆماته لگه‌ل پێشمه‌رگه و کادرێ دێرین سادق گه‌لناسک کری، ل رۆژا ئێک شه‌مبی 19/12/2021، مام سادقی پێزانینه‌ک دامه کو گه‌له‌کا نوو بوو و تا کو نوها د چ ژێده‌ر و هه‌ڤپه‌یڤینان دا نه‌هاتیه.
مام سادق ژی وه‌کی هه‌موو ژێده‌ر و دیده‌ڤانێن دی دبێژیت: پشتی ل ده‌ستپێکا هاڤینا ساڵا 1962 پێشمه‌رگێ کوردستانێ ب سه‌رپه‌رشتیا بارزانیێ نه‌مر هه‌موو ده‌ڤه‌را به‌هدینان کۆنترولکری، ئێدی بارزانی بڕیاردا کو کارێن ڤێ ده‌ڤه‌رێ ڕێکبێخیت و به‌رپرسا بۆ دانیت، دا کو ئه‌و بخوه ژی بشێت ب هێزه‌کێ ڤه به‌رێ خوه بده‌ته ده‌ڤه‌را باڵه‌کایه‌تی.
تا ڤێرێ ئه‌ڤ پێزانینه د هه‌موو ژێده‌ران دا هه‌نه. لێ تشتێ نوو ئه‌و بوو کو مام سادقی دیار کر: بارزانی کۆمبوونه‌ک ل بن گوندێ گه‌ره‌گوها شخۆیێ، ل ناڤ وان به‌رێن به‌ر خابیری (به‌رێ بریسی) کر و د وێ کۆمبوونێ دا ئه‌ڤ بڕیارێن سه‌ری دان.
سه‌نته‌رێ کۆماته
یێ دێکومهنت کرنا دیرووکا شۆڕشێ
کار و ئهرکێ سه‌نته‌رێ کۆماته دێکۆمێنت کرن و پاراستنا دیرووکا شوڕشێ یه ژ مرن و ژناڤچوونێ.
ڤی سهنتهری ب ستافهکێ بچووک و شیانێن ساده، لێ ب ڤیان و باوهریهکا مهزن، وه‌ک پێنگاڤا خوه یا کاری یا ئێکێ، دهست ب کۆمکرن، دێکۆمنێت کرن و تۆمارکرنا دیرووکا خهبات و شۆڕشا کوردستانێ کریه.
