جەمیل سپینداری وەغەرا دوماهیێ کر

بـــازیەکــی دیــێ رۆژێن خەبـــات و مـــەردانـــیێ گەهەشـــتە ڕەفـــا نــەمـــران

جەمیل سپینداری ژ بلی کو ئەو پێشــمەرگە و کادرەکی لەشــکەری یێ مــێرخاس و قــارەمانــێ هەردوو شۆڕشێن ئەیــلول و گــولانێ بــوو، هەروەسا پشــتی شــکەستنا شــوڕشــا ئەیلــولێ ل ساڵا 1975, ئەو دبیتە فەرمــاندێ مەفرەزا نهێنی یا پێشمەرگێن گوندێ سپیندارێ و ب شەڤ دچن چالاکیێن لەشکەری ل دژی دوژمنی ئەنجامددەن و برۆژ ژی کار و رێنجبەریا خوە دکەن.
پاشی هەر ل دەستپێکا شۆڕشا گولانێ دبیتەڤە پێشمەرگە فەرماندێ رێکخراوەکا لەشکەری و پشکداریێ د سەدان شەڕ و داستانان دا دکەت.
ل ساڵا 1995 دەما جاشێن تروریستێن پ ک ک هێرشی سەر کوردستانا ئازاد دکەن، ئەو مام جەمیلی ل قەدشێ ل نێزیک مالا وی بریندار دکەن و ئەو چاڤەکی خوە ژ دەست ددەت. پشتی هینگێ ب ئەگەرێ برینداریێ چاڤێ وی یێ دی ژی تاری دبیت و نامینیت.
مە وەک Senterê Komate سەنتەرێ کۆماتە ل ڕۆژا 10/1/2022 هەڤپەیڤینەک لگەل کر و دیرووکا خەباتا وی تۆمار و ئەرشیف کر. هوون دشێن دڤی لینکێ خوارێ دا دیرووکا وی بخوینن.
مخابن مام جەمیل ئەڤرۆ کە 25/12/2024 وەغەرا دوماهیێ کر و دیرووکەکا زەنگین و پاقژا خەبات و قوربانیدانێ ل دووڤ خوە هێلا.
ب ناڤێ سەنتەرێ کۆماتە یێ دەکۆمێنتکرنا دیرووکا بەھیداریێ ل خێزان و مالبات و کەس و کارێن پێشمەرگێ دێرین و شەھیدێ زیندی مام جەمیل سپینداری دکەین و خوە ب ھەڤپشکێن خەما وان زانین. داخوازێ ژ یەزدانێ دلۆڤان دکەین دوماھی خەم و نەخۆشیا ڤێ بنەمالا خەباتکەربیت و مام جەمیلی ب بھەشتا خوەیا بەرین شاد بکەت.