فوئاد میرانی پێشمەرگێ دێرین وکادرێ پێشیێ یێ شۆڕشا گولانێ

فوئاد عبدوللا خەلەف تاجدين یێ ناسیار ب فوئاد ميرانی ل سالا ١٩٤٩ ل گوندێ کەلھا میرا یێ سەر ب دەڤەرا زومار ل ڕۆژئاڤایێ دیجلە ھاتیە سەر دنیایێ، ل ساڵا ١٩٦٥ دھێتە د ناڤ ڕێکخستنێن نھێنی یێن پارتی دیموکراتی کوردستان دا و بزاڤ و چاڵاکیێن خوە د ناڤ ڕێکخراوا گرەسۆر یا سەر ب لژنا ناوچا زمار ڤە ئەنجام ددەت و ھەر زوی ڕۆلێ خوە دبینیت و دبیتە ئەندامەکێ چاڵاکێ ڕێکخراوێ ل دەڤەرێ.

پشتی ڕێکەفتنا ١١ ئادارێ کاک فوئاد درێژیێ ب خەباتا خوە ددەت، لێ پشتی کوشتنا دەڤەردارێ شەنگالێ ل ساڵا ١٩٧٣ نەچار دبیت پەیوەندیێ ب لەشگەرێ شۆڕشگێڕێ کوردستانێ ل دەڤەرا زاخۆ بکەت و ل ھێزا شەنگال و تەلەعفەرێ دبیتە پێشمەرگە و ھەتا دەستپێکرنا شەڕی ل سالا ١٩٧٤ ل وێرێ درێژیێ ب خەباتا خوە ددەت، پشتی دستپێکرنا شەڕی، ھێزا شەنگال تەلعفەر دبیتە دوو جووین، جونەک ل دەڤەرا زاخۆ دمینیت و یا دی ژی تێتە ڤەگوھازتن بۆ دۆلا ڕەقێ و پلنگان ل دەڤەرا بالەکایەتی ل شوینا ھێزا ھەلگورد بەرەیێ شەڕی جێگیر دبیت، کاک فوئاد ل وێرێ دبیتە جێگرێ ئامر سری دگەل مامێ خوە لەوەند خەلەف و دھەما ن ڕۆژ دا ڕاستی چەندین ھێرشێن سوپا و جاشێن دوژمنی دبن، لێ ھەمی ھێڕشێن دوژمنی تێک دشکێنن و بەردەوام دبیت ھەتا شکەستا شۆرشێ.

پشتی شکەستنا شۆڕشێ ب ڕاسپاردا شەھید ئیدریس بارزانی ھێزا وان ئەڕکێ زێرەڤانیا مەکتەب سیاسی و ئەمبارا حاجی عومران وەردگریت، پشتی ھینگێ پێکڤە دچن ڕۆژھەلاتێ کوردستانێ.

ل وێرێ وەکی ھەمی پێشمەرگە و ئەندامێن پارتی دکەڤیتە بەر گڤاشتنێن ڕژێما ئیرانێ و بۆ ھەیامەکی ل ئۆردیگایێ کرمەنشان ئاکنجی دبیت، پشتی ھینگێ داخوازێ ژ سەرکردایەتیا پارتی و شەھید ئیدریس بارزانی دکەت ڕێ بدەنێ بچیتە سوریێ، د وی دەمی دا بەرھەڤیێن دامەزراندنا سەرکردایەتیا کاتی دھاتنەکرن، لەوما کاک ئیدریس وی و مامێ وی لەوەند خەلەف دگەل ھەژمارکا دی یا پشێمەرگان د ڕێیا باکوورێ کوردستانێ ڕا دھنێریتە سوریێ و ل وێرێ بەپرسیاریا سریەکا پێشمەرگەی دکەت و پشکداڕیێ د خۆلەکا مەشق و ڕاھێنانان ل سەر ھەمی جۆرێن چەکی دا دکەت، پشتی دامەزراندنا سەرکردایەتیا کاتی ڤەدگەڕیتەڤە کوردستانێ و دەست ب قۆناغا دووێ یا شۆڕشێ و ئاڤکرنا ڕێکخستنێن پارتی و باڵاڤکرنا بەیانا دەستپێکرنا شۆڕشا گولانێ ھشیارکرنا خەلکی دکەت.

ل دەستپێکێ بتنێ و ژبۆ ڕێکخستنا پێشمەرگێن ئاوارە، دەست ب گەڕەکێ ل گوندێن سنۆری یێن باکوورێ کوردستانێ دکەت و پەیوەندیان د گەل خەلکێ وان گوند و دەڤەران دا ئاڤا دکەت.

ل ھەیڤا ١٠ ساڵا ١٩٧٦ و پشتی ئاڤاکرنا گرۆپێن پێشمەرگەی ل سەر ڕاسپاردا جەھوەر نامق و کەریم دگەل گرۆپەکا پێشمەرگە دەست ب ئێکەم گەڕا خوە بۆ باشوورێ کوڕدستانێ دکەت و دچییتە دەڤەرێن بەرواری باڵا و نێروە و ڕێکان و ل وان دەڤەرا پەیوەندیێ ب ھندەک کەسایەتیێن جھێ باوەریێ یێن وەکی خلیل بێتکاری دکەت و تۆڕەکا موکم یا ڕێکخستنێن نھێنی یێن پارتی ئاڤا دکەت و پاشی دەست ب ئەنجامدانا چاڵاکیێن لەشکەری ل دژی ڕژێمێ دکەت، وەکی

گرتنا هندەك ئەندازیارا و مغاويران ل سالا ١٩٧٨ل ناڤ بەرا گوندێ بێزنور و سەرنێ و لێدانا زریپوشا مەلختە وچەندين چالاکێن دى.

ل ساڵا ١٩٧٩ پشکداریێ د کۆنگرێ ٩ ێ یێ پارتی دا دکەت.

ب بريارا لقێ ئێک ل هه يڤا ٢ ل سالا ١٩٨٠ دبیتە بەرپرسێ لژنا ناوچا دھۆک

١٠⁄١٠ ⁄١٩٨١ دبیتە بەرپرسێ لژنا ناوچا زاخۆ

ل ١٩٨٤⁄١٢⁄٣٠ دبیتە كارگێرێ لقێ ئێک،

ل زڤستانا سالا ١٩٨٧ێ ب بڕيارا جەنابێ سەرۆک مسعود بارزانى بەرپرسياریا لژنا ناوچا ئامێدیێ وەردگریت.

ل بھارا ساڵا ١٩٨٨ و ھاتا دەستپێکرنا ئەنفالێن ساڵا ١٩٨٨ بەرپرسیاریا لقێ ئێک وەردگریت

١٩٩٧⁄٣⁄١٧ ب بريارا مەکتەبا سياسى دبیتە ئەندامێ مەکتەبا ناوەندی یا ڕێکخستنا مەکتەب سیاسی و ل ١٩٨٩⁄١٠⁄٢٦ دبیتە كارگێرێ لقێ ئێک و بەرپرسیاریا نڤێسینگەھێن دارايى، شەهيدان، پەیوەندیان و کومەلایەتیێ وەردگریت و پاشی دبیتە ئەندامێ لژنا شيرەتكاريا لقێ ئێک.