سەرەدان

شاندەکێ سەنتەرێ کۆماتە سەرەدانا زانکۆیا نەورۆز دکەت

ل ڕێکەفتی ٢٠٢٤⁄٦⁄٥ شاندەکێ سەنتەرێ کۆماتە یێ دەکۆمێنتکرنا دیرووکا شۆڕشێ ب سەرپەرشتیا ڕێزدار ڕزگار کێستەیی بەرپرسێ سەنتەری، سەرەدانا سەرۆکاتیا زانکۆیا نەورۆز ل دھۆکێ کر و ب گەرمی ژ بال دکتۆر مێھڤان عارف سەرۆکێ زانکۆیا ناڤبری ھاتە پێشوازیکرن.
د دیدارەکێ دا، شاندێ سەنتەرێ کۆماتە، ب ھەلکەفتنا دەستبکاربوونا دکتۆر مێھڤان عارف وەکو سەرۆکێ نوویێ زانکۆیا نەورۆز پیرۆزباھیێن خوە پێشکەشی وی کرن و داخوازا سەرکەفتنێ بۆ خواست. ژ لایێ خوەڤە دکتۆر مێھڤان عارف کار و چالاکیێن سەنتەڕێ کۆماتە د بیاڤێ تۆمارکرن و ئەرشیفکرنا دیرووکا شۆڕشێ دا بلند نرخاندن و ئامادەبوونا زانکۆیا نەورۆز بۆ ھەڤکاریێ، نەخاسمە د بیاڤێ ئەکادمیدا نیشاندا.