ئەڤرۆ ڕێکەفتی ٢٠٢٤⁄٥⁄٧ ستافێ سەنتەرێ کۆماتە یێ دەکۆمێنتکرنا دیرووکا شۆڕشێ ب سەرپەرشتیا بەڕێز ڕزگار کێستەیی بەرپرسێ سەنتەری سەرەدانا مەکتەبا ڕێکخستنا پارتی دیموکراتی کوردستان ل پارێزگەھا دھۆکێ کر و ژ لایێ بەڕێز سەربەست لەزگین بەرپرسێ مەکتەبا ناڤبری ڤە ب گەرمی ھاتە پێشوازیکرن.
د دیدارەکێ بەڕێز ڕزگار کێستەی ل سەر ھزر و ئارمانجێن سەنتەرێ کۆماتە د بیاڤێ دەکۆمێنتکرن و ئەڕشیفکرنا دیرووکا شۆڕشێ دا ڕاوەستیا و وێنەکێ زەلالێ کارو چالاکیێن سەنتەرێ کۆماتە پشتی ھاتیە دامەزرەندن ل دەڤەرا بەھدینان ڤەگوھازت.
ژ لایێ خوەڤە بەڕێز سەربەست لەزگین ل سەر گرنگیا دەکۆمێنتکرنا دیرووکا شۆرشێ ڕاوەستیا و دەستخۆشی ل شاندێ سەنتەرێ کۆماتە کر و کار و چالاکیێن وان ب خزمەتەکا مەزن ل قەلەم دان.
