سەنتەرێ کۆماتە

سەنتەرێ کۆماتە

بازیەکێ دیێ کۆماتەی ژ ناڤ رەفێ بارکر

مخابن ئەڤرۆ ڕێکەفتی ٩/٨/٢٠٢٣ خەبەرێ وەغەرا دوماهیێ یا پێشمەرگە و تێکۆشەرێ دێرین، تۆپچیێ بناڤودەنگێ شۆڕشێ و هەلگرێ میدالیا بارزانیێ نەمر (موسا هەرکوندی) گەهشتە مە.
مخابن پتر ژ دەمێ ساڵەکێ بوو مە وەک سەنتەرێ کۆماتە دیاری ژی بۆ ڤی تێکۆشەری چێکربوو دا کو هەڤپەیڤینێ لگەل بکەین و دیرووکا خەباتا وی تۆمار و ئەرشیف بکەین، لێ سەد حەیف و مخابن نەخۆشیا ویا دژوار ڕێ نەدا کو ئەم بشێین لگەل روونین و دیرووکا ویا پڕی قارەمانی و سەرفرازی تۆماربکەین. ئەڤ چەندە ژی بۆ مە دووپات دکەت کانێ چەندا گرنگ و پێدڤیە ئەم دەستا لێ هەلکەین و دیرووکا ڤان قارەمانان تۆمار و ئەرشیف بکەین بەری هەر ئێک ژ وان پشکەکا گرنگا دیرووکا مە یا زێڕین لگەل خوە ببەتە بن ئاخێ.
ئەم وەک سەنتەرێ کۆماتە د دەمەکی دا گەلەک ب کۆڤانین کو ژ ئەگەرێ نەخۆشیا گران دەستێ مە ژ دیرووکا زێرینا ڤی قارەمانی نەگرت، د هەمان دەم دا وەغەرا خەباتکەرەکی وەکی موسا هەرکوندی بۆ مە کۆڤانەکا مەزنە.
ئەم ب ڤێ هەلکەفتا غەمگین بەهیداریا خوە پێشکێشی مالبات و کەسوکار و دۆست و هەڤال و هەڤچەپەرێن کاک موسای دکەین.
گۆڕا تە ب گول و گولزار بیت جهێ تە بهەشت بیت ئەی قارەمانێ نەمر.
هوون ل رێ و ئەم ل پێ
ئەم تەڤ دچن با خودێ

سەنتەرێ کۆماتە
یێ دەکۆمێنتکرنا دیرووکا شۆڕشێ
٩/٨/٢٠٢٣