ژ بۆ ژ نێزیک ڤە ھایداربوون ل کار و چالاکیێن سەنتەرێ کۆماتەی یێ دەکۆمێنکرنا دیرووکا شۆڕشێ و دیارکرنا پشتەڤانیا خوە، ئەڤرۆ ڕێکەفتی ٢٠٢٣⁄٨⁄١٠ بەڕێز عەلی عەونی ئەندامێ کۆمیتەیا ناوەندی یا پارتی دیموکراتی کوردستان و بەرپرسێ لقێ ئێک، ب یاوەریا بەڕێز دەلیل رەمەزان، کارگێڕێ لقێ ئێک و بەرپرس بەشێ ڕۆشەنبیری و ڕاگەھاندنێ، سەرەدانا سەنتەرێ کۆماتە یێ دەکۆمێنتکرنا دیرووکا شۆڕشێ کر و ژ لایێ ستافێ سەنتەری ڤە ب گەرمی ھاتنە پێشوازیکرن.
د روونشتنەکێ دا ڕزگار کێستەیی بەرپرسێ سەنتەری، کورتیەک ل سەر کار و چالاکیێن سەنتەرێ کۆماتەی د بیاڤێ دەکۆمێنتکرن و ئەڕشیفکرنا دیرووکا شۆڕشێ دا، د ماوێ ساڵ و نیڤێن بووری دا پێشکەشکر و ئاماژە ب وێ ھەژمارا مەزنا دیدار و ھەڤدیتنێن دگەل پێشمەرگێن دێرین، زیندانیێ سیاسی، شەھێدێن زیندی، مامۆستا، برینپێچ و ناندەھێن شۆڕشێ ئەنجامداین کر، کو ھەتا نوکە ب سەدان دەمژمێرێن ڤیدیۆیی تۆمار و ئەرشیفکرینە.
پشتی بەڕێز عەلی عەونی بەرپرسێ لقێ، ئێک ژ نێزیک ڤە ھایداری کار و چالاکیێن سەنتەرێ کۆماتەی بووی، ل سەر گرنگییا تۆمارکرن و ئەڕشیفکرنا دیرووکا شۆڕشێ ئاخفت و دەستخۆشێ ل ستافێ سەنتەرێ کۆماتەی کر ژبۆ وی کارێ پیرۆزێ د دەمەکێ کێم دا و ب ستافەکێ بچویک و ب شیانێن داریی یێن کێم ئەنجامداین، کو ھەتا نوکە دیرووکا خەباتا سەدان تێکۆشەران دەکۆمێنتکریە و ژ ناڤچوونێ پاراستیە. بەرپرسێ لقێ ئێک د بەردەوامیا ئاخفتنا خوە دا، کار و چالاکیێن سەنتەرێ کۆماتەی بلند نرخاندن و پشتەڤانیا خوەیا مەعنەوی ژی بۆ دا دیارکرن.
ل دوماھی بەڕێز ڕزگار کێستەیی ب ناڤێ سەنتەرێ کۆماتەی سوپاسیا بەرپرسێ لقێ کر و سەرەدانا وی ب پشتەڤانیەکا مەزن بۆ سەنتەری کۆماتە ل قەلەم دا.
