ئەڤرۆ رێکەفتی ١٢/٧/٢٠٢٣ شاندەکێ تەلەفزیۆنا دهۆك ب سەرپەرشتیا بەڕیز هەلکەفت نێروەیی ڕێڤەبەرێ دەزگەهێ تێلەفزیۆنا دهۆك سەردانا سەنتەرێ کۆماتە یێ دەکۆمێنتکرنا دیرووکا شۆڕشێ کر و ب گەرمی ژ بال بەرپرس و ستاڤێ سەنتەرێ کۆماتەڤە هاتە پێشوازیکرن.
د ڕوینشتنەکێ دا بەرێز ڕزگار کێستەیی بەرپرسێ سەنتەرێ کۆماتە ب بەرفرەهی ل سەر کار و چالاکیێن سەنتەری یێن سال و نیڤێن بووری ڕاوەستیا و هەژمارەکا داتایێن گرێدایی دیدار و هەڤدیتنێن سەنتەرێ کۆماتەی د گەل پتر ژ ١٦٠ پێشمەرگێن دێرین، زیندانیێن سیاسی، شەهیدێن زیندی و خەباتکەر خزمەتکارێن شۆڕشێ ئەنجامداین ئێخستنە بەر دەستێ شاندێ مێڤان. هەروەسا ئاماژە ب هەڤکاری و هەماهەنگیا سەنتەرێ کۆماتە و سەنتەرێ زاخۆ یێ ڤەکۆلینێن کوردی ل زانکۆیا زاخۆ و تۆڕا میدیایی یا ڕوودا دا. هەر د ڤێ دیدارێ بەرپرسێ سەنتەرێ کۆماتە سوپاسیا جەنابێ کاك نێچیرڤان بارزانی، جێگرێ سەرۆکێ پارتی دیموکراتی کوردستان کر ژبۆ هاریکاری و ڕۆلێ جەنابێ وی د دامەزراندنا سەنتەرێ کۆماتە دا، ھەروەسا ئاماژە ب ڕۆڵێ گرنگێ کاک ئاکۆ ڕێڤەبەرێ تۆرا میدیایی یا ڕووداو دا د ڤی بیاڤی دا.
ژ لایێ خوەڤە بەڕیز هەلکەفت نێروەیی، ب ناڤێ ڕێڤەبەریا تێلەفزیۆنا دهۆك کار و چالاکیێن سەنتەرێ کۆماتە بلند نرخاندن و ب کارەکێ مەزن وەسفکرن، هەروەسا ئاماژە ب هەماهەنگی و هەڤکاریا د ناڤبەرا سەنتەرێ کۆماتە و تەلەفزیۆنا دهۆك کر و تەکەز ل سەر بەردەوامیا هەڤکاری و هەماهەنگیێ د ناڤبەرا هەردوو ئالیادا کر.
ل دوماهیا ڤێ ڕوینشتنێ بەڕێز هەلکەفت نێروەیی ب ناڤێ ڕێڤەبەریا تەلەفزیۆنا دهۆك نامەکا سوپاسی و ڕێزلێنانێ پێشکەشی سەنتەرێ کۆماتە کر ژبۆ هەڤکاری و هاریکاریا سەنتەرێ کۆماتە ل سالێن ٢٠٢٢ و ٢٠٢٣ ب هەلکەفتنا شۆڕشا ٢٦ گولانێ دگەل تێلەفزیۆنا دهۆك.
