د گفتوگۆیەکا درێژ دا باس ل وێ چەندێ هاتەکرن کانێ سینەماکارێن کورد دێ چەوا شێن مفای ژ وێ گەنجینەیا دێکۆمێنت و ئەرشیفا دیرووکی یا سەنتەرێ کۆماتە بینن، ژ بۆ کارێن سینەمایی.
د ڤێ دیدارێ دا سەنتەرێ کۆماتە ئامادەیی یا خوە دیارکر کو ئەرشیفا وان وەک کەرەستەیەکێ خاڤێ دیرووکی دخزمەتا هەموو سینەماکار، دیرووکنڤیس، رۆماننڤیس و ئەکادمیێن کورد دایە و هەموو دەمان ئەو د ئامادەنە ژ بۆ هەر هەڤکاری و پشتەڤانیەکێ.
سینەماکار ئیبراهیم سەعیدی و هەڤالێن لگەل دا، کارێ سەنتەری گەلەک بلند نرخاند و وان سەرسامیا خوە دیارکر کو ڤی سەنتەری د دەمەکێ کورت دا و ب ستافەکێ بچووک و شیانێن دارایێن سنووردار، شیاینە کارێن گەلەک مەزن بکەن و پشکەکا مەزنا دیرووکا کوردستانێ ژ مرنێ رزگار بکەن.
هەروەسا وان خوەزی خواستن کو دەزگایێن حکومەتێ پتر پشتەڤانیا ڤی کارێ پیرۆز بکەن، دا کو ببیتە کارەکێ سەرانسەری بۆ هەموو کوردستانێ و بەری گەلەک قارەمانێن گەلێ مە وەغەرا دوماهیێ بکەن، دیرووک ژ دەڤێ وان بێتە تۆمارکرن و پاراستن.
سه‌نته‌رێ کۆماته
یێ دێکومهنت کرنا دیرووکا شۆڕشێ
کار و ئهرکێ سه‌نته‌رێ کۆماته دێکۆمێنت کرن و پاراستنا دیرووکا شوڕشێ یه ژ مرن و ژناڤچوونێ.
ڤی سهنتهری ب ستافهکێ بچووک و شیانێن ساده، لێ ب ڤیان و باوهریهکا مهزن، وهک پێنگاڤا خوه یا کاری یا ئێکێ، دهست ب کۆمکرن، دێکۆمنێت کرن و تۆمارکرنا دیرووکا خهبات و شۆڕشا کوردستانێ کریه.
