د. عزەت فندی
سێگوشا مرنێ…..
ئەز دەستخۆشیەکا بێ پایان و بێ سنوور ل نڤیسەرێ کتێبا ( سێگوشا مرنێ) / کاک نایف اسماعیل بێگداودی دکەم، کو ب ڕاستی شاکار و بەرهەمەکێ زێدە بەرکەتی و پڕی زانیاری( گەلەک ژ وان بۆ جارا ئێکێنە بەلاڤدبن) دانایە بەردەستێ خواندەڤانی.
بڤێ چەندێ هەڤاڵێ نڤیسەر گەلەک ئالی و لایێت ڤەشارتی ژ دیرۆکا شۆرشێ قۆرتال و رزگارکرن و پاراستن ؛ لەو ژ هەژی هەر سۆپاسی و دەستخۆشیەکێ یە.
هەڤالێ نڤیسەر مرۆڤەک ڕاستگۆ و خۆدان وژدان حەقبێژە و مافێ هەرکەسەکی یێ دایێ و هویر و گرێت وی دیتین یێت تۆمارکرین و نڤیسین و پاراستین!!!
ژمێژە وەرە هەر من دگووت و من چەندجارکی ژی یێ نڤیسی کو دڤێت دیرۆکا شۆرش ژهەمی لایەکیڤە بهێتە تۆمارکرن و نڤیسین؛ وەک خەباتا چەکداری، بەرگری مللی ، برینپێچی و هاریکاری و گوند و ناندەهی و و …. ئها ژبەرڤێ یەکێ ژی ئەز دبێژم کەکێ نڤیسەر ئەڤ ئاخفتنە هەمی یێ بجهـ ئیناین و ئارمانجا هنگافتی و هیچ لایەنەکێ ژیانێ ل ناڤ شۆرشێ نەهێلایە مافخواری و بێخۆدان !!
تو ب رێنێ دڤان (٤٥٠) بەرپەڕان دا وی چ حنێراکری و چەند زەحمەتا کێشایی و چ قەنجی یاکری هەتا ئەڤ گەنجینا زانیاریان دانایە بەردەست:
-پتری (٢٥٠) فەروزان ، پێشمەرگە و خەلکەک وەک زانیاری( بوون؛ گوند، دەڤەر، خواندن، چالاکی، شەر و خەبات، شەهید بوون ووو) هەمی دانایە بەردەست و ئەڤ کەسانە داینە نیاسین!!!! ئەڤە ب خۆ دەریایەکێ کاری یە و کێم کەسێت هەین ڤێ ئەزیەتێ بکێشن و رولێ خەلکەکی ژبلی خۆ تۆمارکەن!!!
– پتری (٥٠) ی قەهرەمانێت دی کرینە سەرەبابەت و رۆلێ وان دشۆرشێ دا یێ دیارکری و هەلسەنگاندی !!!
ئەرێ ئەڤە ژبلی دلسۆژیێ و نەفسپاقژیا نڤیسەری چ دی دگەهینیت و دیاردکەت!!!
-ب سەدان گوند و دەڤەر داینە نیاسین و بۆ هەرکەسێ جوگرافیناس و مێژووڤین وەک پاریەکێ ب ساناهی دانایە بەرسنگێ وان و هەمی پێزانین ژی داناینە بەردەست.
– رۆلێ کارمەندێن تەندروستی و بەرگری میللی و مروڤێن هاریکار بۆ شۆرشێ و پشتەڤان رۆلێ دەیک و خویشکێن مە بۆ ئامادەکرنا خوارنێ باراپتر ب ناڤونیشان یێ دیارکری و بێ خەمی و خەمساری د دەرحەقێ هێچ کەسەکی دا نەکری یە و نەهەمیگاڤا خوەکێشایە مەیدانێ و خوەکربیتە قەهرەمان ؛ نەخێر وەک شاهدەک و دیدەڤانەک د وان رۆژان دا تشتێ تۆمارکری و ب ئەمانەت و بەلگە یێ دانایە بەردەست!!!
-دیسان ژ کارێن هەری گرنگ و پڕبها پاشبەندەکێ (وێنا) یێ بەلاڤکری و ل بەردەست دانایی….
لێ حنێرا هەری مەزن ئەز پێداخبار و داخوازێ دکەم هەرکەسێ کتێب هەی بلا چونا پێشمەرگەی و ڤەگەڕا وان ژ سوریێ بخوینیت ؛ دا بزانیت داستانا گلگامش و ئەنکیدۆ گوری پێلاڤا وان هەر (٧٥) قەهرەمانا ببن ل چوونێ و وان (٥٥) فیداکاران ل ڤەگەڕێ !!!!
– چوونا (٧٥) قەهرەمانا ژ کۆماتەی بۆ سوریێ و لێدانا سنوورێ ترکی و وێ مەترسیێ ب شەڤ و نیڤشەڤا وجارەکادی دەربازبوون ژ دجلەی و ل بەر رەحما جەندرما و گەهشتن بۆ سوریێ ، ئەڤە هەمی ب دەڤ و نڤیسین و خواندن گەلەکا خوەش و ب ساناهیە ؛ لێ وەک کریار ئەم نابێژین زەحمەتە لێ ئەم دبێژین دخەونێ ژی دا ب هندەک کەساڤە ناهێت !!!
– دیسان ڤەگەڕا ڤان قەهرەمانا ل چلێ زڤستانێ ب کەلەکێ ژ دجلەی یێت دەربازبووینە جهێ ڤێگاڤێ خاڵا سێمالکا لڤی ئالیێ مە و دبن پێت سپایێ عیراقێ یێ هینگێ!!! ل وێ نیڤ شەڤێ و ب بێدەنگی بەرئاڤ و بەرئاڤ بۆ باکووری ڤە یێت چووین ل وی جهێ خابوور دگەهتە سەر دجلەی یێت ل خابووری دەربازبووین( ب جلکڤە و بارەکێ تشتا و چەکی ل چلێ زڤستانێ) یێت چووینە ملێ دی دبن پێت جەندرماڕا!!! یێت کەتینە بەستا بەرا ل ناڤبەرا دوو شەهمارێت ئاڤێ و سێ سنوورێت دەولی!!!! جارەکادی یێت ژێهەلەچووین و ل خابووری دەربازبووینەڤە!!! ل تەنشت خالا گومرکا براهیم خلیل ل رۆژئاڤای/ بەرێ سپێدێ هێشتا تاری سیمە یێ بڕی و یێت گەهشتینە سەرجادا سەرەکی و یێت هلبووینە چییای و دنیا یا زەلال بووی !!!
ب ئێک شەڤ تو ل سنوورێ سێ دەولەتا بدەیی و دووجارا ب جلکڤە ل خابویری بدەیی و ل چلێ زڤستانێ !!!!!! ئەرێ هەکە ئەڤە دفلما ژی دا هەبیت کی دێ باورکەت !!!! بەلێ ئەڤە ئەو قەهرەمانن و زۆربەیا وان دساخن و لڤێ دهۆکێ دژین و ناڤێ هەمیان دڤێ کتێبا سێگوشا مرنێ دا هاتیە تۆمارکرن !!!!!
ئەرێ ما ئەڤە نە ژهەژی هەررێزگرتنەکێ و قەدرگرتنەکێ نە…. ما نە ژهەژی پەیکەر و پیروزییانە…. ما نەژ هەژی فلم سەرچێکرنێ نە….
ما نە ژهەژی هندێنە ئەڤرۆکە ل وی جهـی پەیکەرەک بۆ بهێتە دانان!!
لێ دبێژم مەحەیف و مخابن!!!
