بەرپرسێ سەنتەرێ کۆماتە پشکداریێ د چالاکیەکا زانکۆیا زاخۆ دا دکەت
رزگار کێستەیی بەرپرسێ سەنتەرێ کۆماتە یێ دێکۆمێنتکرنا دیرووکا شۆڕشێ ل رۆژا سێشەمبی ڕێکەفتی ٦ی چریا ئێکی ٢٠٢٢ ب ئامادەبوونا ئەندامێن سەنتەری پشکداری د سەمپۆزیوومەکێ داکر کو ژ لایێ پشکا زمانێ کوردی ل فەکۆلتییا زانستێن مرۆڤایەتی ل زانکۆیا زاخۆ ل ژێر ناڤونیشانێ (ئافرەت د ناڤبەرا یاسا و دوورهێلیدا) هاتبوو سازکرن کر.
ژ هەژی گۆتنێ یە کو پرۆگرامێ ڤێ سەمپۆزیوومێ سێ تەوەرێن گرنگ بخوەڤە دگرتن کو ئەو ژی:
– توندو تیژیا ل هەمبەر ئافرەتان ژ ڕوانگەها یاسایی و ئایینی ڤە و ژ لایێ مامۆستا مافپەروەر، نڤیسەر و چالاکڤانا بیاڤێ مافێ مرۆڤان (ئاوڕەنگ شێخ عەلی سەید ئیسماعیل) هات پێشکەشکرن.
-ئامارا توند و تیژییێ ل زاخۆ و ژ لایێ م. (نەرمین فەرید حاجی) ڕێڤەبەرا نەهێلانا توند و تیژیێ ل زاخۆ هات پێشکەشکرن.
-توندو تیژیا ل هەمبەری ئافرەتان ل سەر دەمێ ڕژێما بەعس کو ژ لایێ م. ڕزگار کێستەیی بەرپرسێ سەنتەرێ کۆماتە یێ دێکۆمێنتکرنا دیرووکا شۆڕشێ ڤە هات پێشکەشکرن.
ژ هەژی گۆتنێ یە کو کێستەیی ب چەند خالەکا رۆناهی بەردا سەر ئەو توند و تیژیا ل سەردەمێ رژێما بەعس ل دژی ئافرەتان کورد هاتیە ئەنجامدان وەک: نەفی و دوور ئێخستن و زیندانکرن ل باشوورێ ئیراقێ، ژنێن زیندانیێن سیاسی و ئەشکەنجە، بکارئینانا ژنان ژ ئالیێ دەزگایێ سیخوڕی ڤە، زیندانکرنا ژن، دەیک، خوشک و زاڕۆکێن پێشمەرگا، بۆمبارانکرنا گوندێن ڕزگارکری و کوشتن و بریندارکرنا ژن و زارۆکا، گرتن، کوشتن و بساخی بنئاخکرنا ژن و زارۆکا ل ئەنفالان.
