عومه‌ر تروانشی
ل بهارا سالا ١٩٧٦حکومەتا عێراقێ جاده ژ کانیماسێ بۆ دەڤەرا نێروەرێکا دبر. پشتی گەهاندیە گوندێن بێزنورو کەرو، سالا پاشتر مەفرەزێت پێشمەرگەی یێت پارتیزانی دەرکەتین، میلازم علی و فوئاد میرانی لگه‌ل چه‌ند پێشمه‌رگێن دی ل وێ دەڤەرێ بوون هەتا مشارا به‌رواری باله. ل مه‌ها ١١ ـ سالا ١٩٧٧ وان بریاردا کو بچن بوسەیه‌کێ دڕێکا وێ هێزا له‌شکه‌ری دا دانن یا کو بۆ پاراستنا ئامیر ومکینێن چێکرنا ڕێکێ دهات. چیایێ رەشەیی کو دکەڤیتە هنداڤی گوندێن کانی سارکا نێروه و بێزنورو کەرو، ل وان دەڤەران ئێفاریەکا درنگ وان بوسا خۆ دانا سەرجادێ وپشتی دەمەکێ کێم تۆمبێله‌کا لاند کروزه‌ر دگەل جێبه‌کا له‌شکه‌ری و دگەل جەند شەفەل و بلدوزەران هاتن و کەتنه بۆسه‌یا پێشمەگێت قارەمان و پێکڤە دانە بەر ئاگرێ تفەنگێنان. ئه‌و تۆمبێل و ماکینه هاتنه سۆتن و دوو ئه‌ندازیار ژی هاتنه گرتن و دوو سەرباز هاتنە کوشتن. دەستکەفتێن پێشمه‌رگا دوو کلاشینکوف بوون دگەل کەلو پەلێت سەربازی. ئەف چالاکیە بسەر پەرشتیا میلازم علی و فوئاد میرانی بوو،
ئەو پێشمەرگێت قارەمان یێت پشکدار ژی ئه‌ڤه بوون:-
١ـ میلازم علی
٢ـ فوئاد میرانی
٣ حه‌جی بێتکاریی
٤ سعید سپینداری
٥ حمدی بەگ شێلازی
٦ ـ حه‌سیب ئاسهی
٧ ـ محمود کانی سارکی
٨ ـ تاهربناڤی
٩ ـ حجی فقە بناڤی
١٠ ـ تاهر شێلازی
١١ ـ له‌زگین سەرزێری
تێبینی:
من ئه‌ڤ پیزانینه ژ کاک حه‌جی بێتکاری وه‌رگرتن، کو ئه‌و ژی ئێک ژ وان پێشمه‌رگێن پشکدار بوو دڤێ چالاکیێ دا. هیڤیدارم ئه‌گه‌ر ناڤێن هنده‌ک پێشمه‌رگێن پشکدار نه‌هاتبن، ل من نه‌گرن، چونکی هه‌ر ئه‌ڤ ناڤه هاتنه بیرا کاک حه‌جی.
