مەحمود محەمەد مەحمود، ناسیار ب مەحمود قەدشی ل ساڵا ١٩٥٠ ل گوندێ تویلەرێ ل دەڤەرا بەرواری بالا ھاتیە سەر دونیایێ.
ل ساڵا ١٩٦٣ پەیوەندیێ ب ڕێکخستنێن نھێنی یێن پارتی دکەت، ل سەر دەمێ شۆڕشا ئەیلۆلێ وەکو بەرگری مللیەکێ ملکەچ ب ڕێبازا پارتی و بارزانی پشکداریێ د چەندین شەڕ و داستانێن شۆڕشێ دا دکەت.
پشتی شکەشتنا شۆڕشێ ل ١٩٧٥⁄٨⁄٢٦ دەست ب بزاڤ چاڵاکیان د ناڤ ڕێکخستنێن پارتی دا ل قەدشێ دکەت، ل ١٩٧٦⁄٨⁄٣ دگەل ١١ ھەڤۆلێن خوە دچیتە ناڤ ڕێزێن ڕ شۆڕشا گولان.
پشتی پەیوەندیێ ب شۆڕشێ دکەت، مالا وی ژ لایێ ڕژێمێ ڤە تێت گرتن و ل باشوورێ عێراقێ تێت زیندانی کرن..
ل ١٩٧٧⁄٥⁄٢٦ پشکداریێ د شەڕێ بێلمبیرێ دا دکەت.
لسالا ١٩٧٧ پشکداریێ د شەڕێ ھەکاری دا دکەت، دھەمان سالدا تێت ڤەگوھازتن بۆ ھەرک و بێداڤا ل ھەرێما دوو، ل وێرێ ژی ڕۆلەکێ پاش دناڤ ڕێزێن پێشمەگەی دا دگێڕیت، پشتی ھینگێ تێت ڤەگوھازتن بۆ دەشتا بەرازگرێ و دیوفدا جارەکادی بۆ دەڤەرا بەھدێنان.
ل ١٩٧٩⁄٥⁄٢٥ پشکداریێ د شەڕێ ھێڕشا ڕژێمێ بۆ سەر بارەگایێ لقێ ئێک دا ل کۆماتەی دکەت.
پشتی کۆنگرێ نەھێ یێ پارتی و ژ بەر چەلەنگیا وی دبیتە بەرپرسێ لەشکەری ل لقا ئێک، پاشی دگەل مەفرەزا شەھید شەعبان غەفار درێژیێ ب خەباتا خۆ ددەت و پشکداریێ دگەلەک شەڕ و داستانێن شۆڕشا گولانێ دا دکەت، وەکی شەڕێ شۆش و شەرمنا ل١٩٨٣⁄٣⁄⁄٢٩ ل دەڤەرا زێباریان کو د وی شەڕی دا شەعبان غەفار شەھید دبیت.
ل سەرھەلدانا ڕۆلەکێ مەزن د ئازادکرنا قەشێ دا دبینیت .
پشتی سەرھەلدانێ ل ساڵا ١٩٩٧ دبیتە ئامر فەوج، پاشی دبیتە جێگرێ ھێزێن قەدش و دھۆکێ، ل دوماھیێ دبیتە ئەندامێ سوپای.
سهنتهرێ کۆماته
یێ دێکومهنت کرنا دیرووکا شۆڕشێ
کار و ئهرکێ سهنتهرێ کۆماته دێکۆمێنت کرن و پاراستنا دیرووکا شوڕشێ یه ژ مرن و ژناڤچوونێ.
ڤی سهنتهری ب ستافهکێ بچووک و شیانێن ساده، لێ ب ڤیان و باوهریهکا مهزن، وهک پێنگاڤا خوه یا کاری یا ئێکێ، دهست ب کۆمکرن، دێکۆمنێت کرن و تۆمارکرنا دیرووکا خهبات و شۆڕشا کوردستانێ کریه.
