فلمێ هەژاندنا بەغدا ل دهۆکێ هاتە نیشادان
دوھی ڕێکەفتی ٢٠٢٢⁄٩⁄٨ درێورەسمەکا ھەژیدا و ب ئامادەبوونا ھەژمارەکا بەرچاڤ یا بەرپرسێن میری، حزبی، ڕوشەنبیر و پێشمەرگێن دێرین و زیندانیێن سیاسی و ھەژمارەکا مەزن ژ ھەمی تەخ و جوینێن جڤاکی، فلمێ دەکۆمێنتاری ( ھەژاندنا بەغدا) ل ھۆلا سینەما دھۆک مۆل ھاتە بیشادان.ژ هەژی گۆتنێ یە کو فلمێ هەژاندنا بەغدا ژ ئالیێ پشکا دەکۆمێنتاریا تۆرا میدیایی یا رووداو ڤە وبهەڤکاری لگەل سەنتەرێ کۆماتە هاتیە چێکرن.
ل دەستپێکێ ماجد سەید سالح جێگرێ پارێزگارێ دھۆکێ دپەیڤەکێ دا لسەر گرنگیا دەکۆمێنتکرنا دیرووکا خەبات و تێکۆشینا قەھرەمانێن مللەتێ کورد ڕاوەستیا و ئاماژە ب رۆڵێ سەنتەرێ کۆماتە دا ڤی بیاڤیدا دا.
پشتی ھینکی ئاکۆ محمەد بەرپرسێ تۆڕا میدیایی یا ڕووداو پەیڤەک پێشکەش کر و ڕۆلێ سەنتەرێ کۆماتە د دەکۆمێنتکرنا دیرووکا شۆڕشێ دا بلند نرخاند وئاماژە ب ڕۆلێ کاریگەرێ سەرۆکێ ھەربما کوردستانێ ڕێزدار نێچیرڤان بارزانی و پشتەڤانیا جەنابێ وی بۆ سەنتەرێ کۆماتەدا و کارێ سەنتەرێ کۆماتە نەخاسمە رۆلێ کاک رزگار کێستەیی بەرپرسێ سەنتەری بکارەکێ مەزن ل قەلەم دا.
پشتی ھینگی بەلگە فلمێ ( ھەژاندنا بەغدا ) ھات پێشکێش کرن کو گرێدای خەباتا نھێنی و چالاکیێن لەشکەری یێن ھەژمارەکا شۆڕشگێرێن گەلێ کوردستانێ د ناڤ جەرگێ پایتەختێ ڕژێمێ دابوون ل ساڵا 1977, کو خانما شۆڕشگێر فەوزیا سگێری و برایێ وێ شەهید عبدالرحمن حەمدی ڕۆلەکێ سەرەکی تێدا دگێڕا.
ژ ھەژی گۆتنێ یە کو پشتی سەنتەرێ کۆماتە پەردە ل سەر خەبات و تێکۆشینا فەوزیا خانێ ھەلاندی و ب رایا گشتی دایە نیاسین، چەندین کەناڵ و ناڤەندێن ڕاگەھاندێ دیدار و چاڤپێکەفتن دگەل شێرەژنا ناڤبری ئەنجامداینە تاکو دیرووکا خەبات و تێکۆشینا وێ و ھەڤالێن وێ یێن قەھرەماند د فلمێ ( ھەژاندنا بەغدا) دا ھاتیە دەکۆمێنتکرن.ل دوماهیێ بناڤێ سەنتەرێ کۆماتە سوپاسێن خوە پێشکێشی جەنابێ کاک نێچیرڤان بارزانی جێگری سەرۆکێ پارتی دیموکراتی کوردستان و کاک ئاکو محەمەد بەرپرسێ تۆرا میدیاییا رووداو دکەین بۆ گرنگیدانا وان ب تۆمارکرنا دیرووکا گەلێ مە و پشتەڤانیا وانا بەردەوام بۆ سەنتەرێ کۆماتە.
