شهاب میرانی ئێک ژ کادرێن دەستپێکێ یێن شۆڕشا گولانێ
ل ڕۆژا ئێکشەمبی ڕێکەفتی ٢٠٢٢⁄٣⁄٦ سەنتەرێ کۆماتە یێ دەکۆمێنتکرنا دیرووکا شۆڕشێ سەرەدانا پێشمەرگێ دێرین شەھاب میرانی کر و ھەڤدیتنەکا ڤیدیۆیی ل دگەل ئەنجامدا و دیرووکا خەباتا تۆمارکر و ژ ناڤچوونێ پاراست.
شەھاب ئەحمەد زۆراڤ، بەرنیاس ب شەھاب میران ل ساڵا ١٩٥١ ل گوندێ جفتدکێ یێ سەر ب دەڤەرا زومار ھاتیە سەر دنیایێ، خواندنا سەرەتایی و ناڤنجی ل گوندێ جفتکێ و زمار خواندیە، ل ساڵا ١٩٦٨ دبیتە ئەندامێ ڕێکخستنا پارتی ل گوندێ جفتکێ. ل پشتی پەیمانا ١١ ئادارێ گوندی وی ب بەر پێلا عەرەبکرنێ دکەڤیت، خەلکێ گوندی ب بنەمالا کاک شەھاب میرانی ڤە دھێن ڤەگوھازتن بۆ حەزەر ل ژێریا باژێڕێ مۆسل و ژ وێ ڕۆژێ دابڕین دناڤبەرا وی و خێزانا وی و زاڕۆک و کەس و کارێن وی دا چێدبیت.
کاک شەھاب پشتی شکەستنا شۆڕشێ، بێی کو تشتەکی ژ خێزان و کەس و کارێن خوە بزانیت ئاوارەیی ئیرانێ دبیت.
ل ھەیڤا ١٠ بۆ ١١ ساڵا ١٩٧٥ دچیتە سوریێ، دگەل دەستپێکا شۆڕشا ل ٢٦ گولانێ ساڵا ١٩٧٦ دچیتە کوردستانێ و دگەھیتە ناڤ ڕێزێن شۆڕشێ، ل ساڵا ١٩٧٧، ل دەڤەرێن نەھلە و زێباریا درێژیێ ب خەباتا خۆ یا پێشمەرگاتیێ ددەت و ب ئەڕکێ گەھاندنا پەیام و پۆستێن شۆڕشێ و ھندەک جاران یێن لەشکەری ڕادبیت، دھەمان ساڵ دا دبیتە بەرپرسێ لژنا بێلمبیرێ.
ل ساڵا ١٩٧٩ پشکداریێ د کۆنگرێ ٩ ێ یێ پارتی دیموکراتی کوردستان دا دکەت، د دویف دا تێتە بارەگایێ لقێ ئێک ل کۆماتەی، ل ساڵا ١٩٨٢ دچیتە بارەگایێ مەکتەبا سیاسی ل ڕاژان.
کاک شەھاب پشتی (١٠) ساڵێن دابڕینێ ژ خێزان و زاڕۆکێ خۆ مزگینیا ھاتنا خێزانا خۆ ژ سەرۆک بارزانی ل ساڵا ١٩٨٣ دەڤەرا مێرگەسۆری وەردگریت و ل ڕۆژھەلاتێ کوردستانێ ل باژێڕکێ نەغەدە ب دیتنا وان شاد دبێت، کاک شەھاب پشتی دەھ ساڵان وی زاڕۆکێ ب ساڤایی ھێلا شنوی دبینیت، نە ئەو زاڕۆکی نیاسیت و نەژی زاڕۆک وی نیاسیت.
کاک شەھاب دبیتە ئەندامێ لژنا ناوچا نەغەدە، پاشی تێت ڤەگوھازتن بۆ بارەگایێ مەکتەبا سیاسی ل ڕاژان.
ل سەرھەلدانا پیرۆز ل ساڵا ١٩٩١ ڤەدگەریتە کوردستانێ و دبێتە و بەڕپرسیاریا محوەرێ قەدش- بامەزنێ وەڕدگریت و پاشی دبیتە بەرپرسێ سکرتاریەتا بەرێ کوردستانی ل زاویتە، ل ساڵا کارگێڕێ لژنا ناوچا زومار، وپاشی دھێتە ڤەگوھازتن بۆ لقێ ئێک و ب پێنج میدالیێن ڕێزلێنانێ ژ لایێ لقێ ئێک ڤە تێت خەلاتکرن.
کاک شەھاب پشتی خەباتەکا دویر و درێژ ل سەڵا ٢٠١٨ ژ لایێ جەنابێ سەرۆک بارزانی ب میدالیا بارزانیێ نەمر تێت خەلاتکرن و نوکە ئەندمێ لقێ ئێکە بەردەوامە ل سەر خەباتا خوە.
