بنیامێن یۆسف حەیدەر یێ بەرنیاس ب بنیامێن بریفکی

بنیامێن یۆسف حەیدەر یێ بەرنیاس ب بنیامێن بریفکی

ل ساڵا ١٩٣٩ ل گوندێ بریفکا یێ سەر ب دەڤەرا کانیماسێ ڤە هاتیە سەر دنیایێ. هێشتا د کاملانا ژیێ خوەدا هەست ب ستەم و زۆرداریا ڕژێمێن ئێك ل دویف ئێكێن ئیراقێ هەمبەر مللەتێ کورد دکەت و هەست نەتەوەی و ڤیانا وەڵاتی لدەف بلند دبیت. ل ساڵا ١٩٥٨ کو وی دەمی ل سەربازیا نەچاری بوو، رێکا خەبات و تێکۆشینێ د ڕێیا ئاخ و وەڵاتێ خوە دا دگریت و ژ لایێ عەمەر یونس بابیری تێتە ڕێکخستنکرن د ناڤ ڕێزێن پارتی دیموکراتی کوردستان دا.د گەل دەستپێکرنا شۆڕشا ئەیلۆلا مەزن، سەربازیا ناچاری دهێلیت و قەستا ناڤ ڕێزێن شۆڕشێ دکەت و دبیتە پێشمەرگە و پشکداریێ د گەلەك شەر و داستانێن شۆڕشا ئەیلۆلێ دا دکەت، مینا شەڕێن دەستپێکا شۆڕشێ ل دەڤەرا بەهدینان داستانا بناڤ و دەنگا چیایێ مەتینی ل ساڵا ١٩٦٣، کو د وێ داستانێ دا لەشکەرێ شۆڕشگێڕیێ کوردستانێ، لەشکەرێن هەردوو ڕژێمێن سوریێ و ئێراقی دشکێنیت و ڕاستی شەرمزاریەکا مەزن دکەت.تێکۆشەرێ دێرین بنیامێن بریفکی ل هەمی دەڤەرێن کوردستانێ درێژیێ ب خەبات پێشمەرگاتیا خوە ددەت و پشکادریێ د داستانا چیایێ زۆزك و گەوریا عەمەر ئاغای و گەوریا بێشێ دا دکەت.مام بنیامێن بریفکی ل داستانا گەوریا بێشێ فڕۆکەکا ڕژێمێ ژی دهنگێڤیت و تینیتە خوارێ، ژ بەر چەلەگیا وی ژ لایێ فەرمانێ دێرن عەلیێ خەلیل ڤە تێتە خەلاتکرن.پشتی شکەستنا شۆڕشێ ئەو دگەل خێزانا خوە ئاوارەیی ڕۆژهەلاتێ کوردستانێ دبیت و ل چەندین چەندین کەمپ و ئوردیگان ژیانەکا سەخت و دژوار دەربازدکەت.مام بیامێن بریفکی دگەل دەستپێکا شۆڕشا گولانێ جارەکا دی پێخەمەت دۆزا گەل و وەڵاتێ خوە چەکێ بەرخودانێ دهەلگریت و دبیتەڤە پێشمەرگە ل دەڤەرێن پر سڕ و سەرما وەکی دەڤەرێن خرێنە و لۆلان و خواکوڕك.ل ساڵا ١٩٨٤دگەل رەحمەتیێ سەیدایێ نەجمەددین یۆسفی بۆ لقا ئێك تیتە ڤەگوهازتن و لوێرێ درێژیێ ب خەباتا خوە ددەت و پشکادریێ د شەرێ مێرگا هەلەفیێ دا دکەت و پشتی هینگێ دگەل سەیدایێ نەجمددین ڤەدگەڕیتەڤە رۆژهەتێ کوردستانێ.پشتی سەرهەلدانێ ڤەدگەریتەڤە کوردستانێ و درێژیێ ب خەباتا خوە ددت.کوڕەکێ مام بیامێن بریفکی د ڕێیا دۆزا گەلێ کوردستانێ دا شەهید دبیت و چوار کوڕێن دی ێن دی ژی پێشمەرگە و نۆکە د ژیێ ٨٣ سالیێ دا ل دهۆکێ دژیت.