په‌یمانا 11 ئادارا 1970 د بیردانک و ئه‌رشیفا خه‌باتکه‌ره‌کی دا
شوکری نێروەی
په‌یمانا 11 ئادارا 1970 د بیردانک و ئه‌رشیفا خه‌باتکه‌ره‌کی دا
د ده‌مێ کار و چالاکیێن سه‌نته‌رێ کۆماته یێ ده‌کۆمه‌نتکرن و ئه‌رشیفکرنا دیرووکا شۆڕشێ دا، ئه‌م ل خه‌باتکه‌رێ دێڕین شوکری نێروه‌یی بووینه مێڤان ژ بۆ تۆمارکرنا دیرووک و بیره‌وه‌ریێن وی، ل ده‌ف وی ئه‌م بسه‌ر ده‌کۆمه‌نته‌کا گه‌له‌ک گرنگا په‌یمانا 11 ئادارا 1970 هه‌لبووین.
ل دوماهیا ساڵا 1969 و ده‌ستپێکا ساڵا 1970 ده‌مێ شاندێ ئیراقێ ب سه‌رۆکاتیا سه‌دام حسێنی چه‌ند جارا هاتیه ناڤپردان ل باره‌گایێ شۆڕشا کوردستانێ و لگه‌ل شاندێ کوردستانێ ب سه‌رۆکاتیا بارزانیێ نه‌مر کۆمبووین، کاک شوکری هینگێ نڤیسه‌رێ باره‌گایێ مه‌کته‌ب سیاسیا پارتی بوو. لۆما ل وی ده‌می وی ئه‌و هه‌موو کۆنووسێن (محضر) هه‌ردوو شاندا بده‌ستێ خوه ب ته‌کدیلۆیێ (طابیعێ) تایپکریە.
یا ژ وێ ژی گرنگتر کاک شوکری دوماهی پرۆژێ ئۆتۆنۆمی یێ کو هه‌ردوو شاند ل سه‌ر پێکهاتین و ل شه‌ڤا 10-11/3/1970 بارزانیێ نه‌مر و سه‌دام حسێنی ل سه‌ر ئیمزاکری و بوویه پرۆژێ په‌یمانا 11 ئادارێ، ئه‌و ژی کاک شوکری بده‌ستێن خوه یێن نڤێسی و ئاماده‌کری بۆ ئیمزاکرنێ. یا هێشتا گرنگتر ژی وی دانه‌یه‌ک ژ وی پرۆژه‌ی کو وی ب طابیعا خوه نڤێسیه، هه‌تا نوکه ل ده‌ف خوه پاراستیه.
نه هه‌ر ئه‌ڤه لێ وی ئه‌و طابیعه بخوه ژی، سه‌ره‌ڕای شکه‌ستنا 1975 و ده‌ربه‌ده‌ر بوون و ئه‌نفال و هه‌موو ڕوودانان، وی ئه‌و ژی هه‌تا نوکه ل ده‌ف خوه پاراستیه و ڤێ دوماهیێ کریه دیاری بۆ مۆزه‌خانا بارزان.
د ڤێرێ ژی دا لاپه‌ڕێ ئێکێ یێ وی پرۆژێ ناڤهاتی ئه‌م لگه‌ل پۆستێ خوه به‌ڵاڤ دکه‌ین، ژ ده‌ستیریا کاک شوکری و گه‌له‌ک سوپاس بۆ ڤێ خه‌مخۆریا وی
