پێشمەرگەھێ دێرێنێ ھەردوو شۆڕشبن ئەیلول و گولانێ عەلی حسێن تروانشی د ژیێ ١٥ سالی دا دگەل ھاتنا بارزانی نەمر بۆ دەڤەرێ ل ساڵا ١٩٦١ دبیتە پێشمەرگە و ڕۆلەکێ بەرچاڤ دبینیت و پشکداریێ د زۆربەی وان شەڕ و داستانێن شۆڕشا ئەیلۆلێ دا دکەت و دبیتە جێگرێ سەرقۆلی و بەردەوامیێ ب خەباتا خۆ ددەت ڕۆلەکێ بەرچاڤ د داستانا گەوریا عەمەر ئاغایدا دبینیت، پشتی شکەستنا شۆڕشا ئەیلولێ پشکدراریێ نوژاەنکرنا ڕێخستنێن پارتی و دامەزراندا ئێکەم ڕێکخراوا نھێنێ ل ڕۆژھەلاتێ دەڤەرا بەرواریا دا دکەت.
ل ساڵا ١٩٨٠ پەیوەندیێ ب شۆڕشا گولانێ دکەت، ڕژێم پتر ژ ٢٥ کەسان ژ بنەمالا وی دگریت، کاک عەلی دناڤ ڕێزێن شۆڕشا گولانێ دا ڕۆلەکێ بەرچاڤ دگێڕیت و دبیتە جێگرێ بەڕپرسێ ڕێکخراوا شەھید ئەنوەر مایی دگەل شەھید شەعبان غەفار، پاشی دبیتە بەرپرسێ ئێکەم لژنا بەرەیێ جود، پاشی دبیتە بەپرسێ ڕێکخراوا شەھید مەسیحا ( دارەمان) و ئەڕکێ پاراستنا بارەگایێ لقێ ئێک وەردگریت.
کاک عەلی و خێزان و کەس و کارێن خۆ ل ساڵا ١٩٨٨ دکەڤنە بەر ھەوا ئانفالێن ڕەش و بۆ ماوێ چار ساڵان ل کەمپا مۆشێ دبیتە پەنابەر، پشتی سەرھەلدانێ ڤەدگەریتە ڤە کوردستانێ و چەندین پوستێن حزبی و لەشکەری وەردگریت.
مخابن پشتی ٦٠ سالێن خەباتێ کاک عەلی بێ پلە و مۆچەکێ کێم ھاتیە خانەنشینکرن و نوکە ل گوندێ ئیتویتێ ژیانا خۆ دبەتە سەر.
