ئێک ژ ئامر مەفرەزێن دەستپێکی یێن شۆڕشا گولانێ

حەجی بێتکاری

حەجی بێتکاری ل ١٩٦٨ پەیوەندیێ ب شۆڕشا ئەیلولێ دکەت و وەکی پێشمەرگەکێ ملکەچ و خودان دسپلین درێژیێ ب خەباتا خوە ددەت ھەتا شکەستنا سالا ١٩٧٥.

کەتوارێ شکەستنا شۆڕشێ رەت دکەت و چارەنڤیسێ خوە ڕادەستی قەدەرێ دکەت و ژیانا پەنابەریێ دھەلبژێریت، د باکوورێ کوردستانێ ڕا خوە دگەهینیتە ئیرانێ، لێ ل وێرێ ژ لایێ ڕژێما گوڕبەگۆڕا ئیرانێ ڤە تێت گرتن و ڕادەستی ڕژبما فاشی یا عێراقێ تێت کرن و ڕژێما عێراقێ ژی وی دگریت بۆ دیوانیێ ل ژێریا عێراقێ تێت دویوئێخستن.

کەلەکەلا عەشقا شۆڕشێ و چیایێن کوردستان لێ ددەت و ئەو گەرم و تۆزا بیابان عێراقێ ل پاش خوە دهێلیت و ب دزیکیڤە خوە دگەھێنیت بەغدا و ژوێرێ بۆ میسل و پاشی بۆ دھۆکێ و پاشی خوە دگەھینێت دەڤەرا بەرواریا و پاشی دەڤەرا چەلێ ل باکوورێ کوردستانێ. ڤی کاروانێ درێژ دا هەڤالێ ویێ و دەنگبێژ شەهید بەدەل بێتکاری هەڤرێیێ وی بوو.

دگەل ھەلبوونا چریسکا شۆڕشا گولانێ دبیتە بەرپرسێ ئێک ژ مەفرەزێن دەسپێکی یێن شۆڕشێ و پشکداریێ د ئێکەمین کریارێن لەشکەری ل دەڤەرێن نێروەیا و بەرواریا دا دکەت.

حەجی بێتکاری بەشداریێ د کۆنگرێ نەھێ یێ پارتی دا دکەت و پاشی دبیتە ئەندامێ ڕێکخراوا شەھید عبدالرحمن حەمدی و دیوفدا بەرپرسیاریا وێ ڕێکخراوێ وەردگریت و د ھێتە ھنارتن بۆ قرناقە و پشت ئاشان، پاشی دھێتە ڤەگوھازتن بۆ بارەگایێ لق١ و دبێتە جێگرێ بەرپرسێ ڕێکخراوا شەھید مەسیحا (دارەمان) و پاشی بەرپرسیاریا وێ ڕێکخراوێ وەردگریت.

پێشمەرگێ دێرین حەجی بێتکاری بەشداریێ دگەلەک شەر و داستانێن شۆڕشا گولانێ دا دکەت

ل ساڵا ١٩٨٨ پەنابەری تورکیا دبیت و پتر ژ سێ ساڵان ل کەمپا مۆشێ دمینێت، پشتێ سەرھەلدانێ ڤەدگەریتەڤە کوردستانێ و دبیتە ئامر ھێز، پاشێ کادر ل لژنا ناوچا پەیمان و سەرپەرشتیا چار سریێن پێشمەرگەی ژی دکەت..

مام حەجی بێتکاری دکاروانێ دویر و درێژێ خەباتا خوە دا دوو ژ نێزیکترین عەزیزێن خۆە ژ دەست ددەت کو ئەو ژی پسمامێ وی شەھید بەدەل یێ کو هەمی دەما ملێ وی ب ملێ وی ڤە بوو و برایێ وی شەھید محەمەد نەزیف.

نوکە ژی پشتی خەباتەکا دویر و درێژ ب پلەکا نە ژ ھەژی ڕەنج و خەبات و قوربانیێن وی ھاتیە خانەنشینکردنی و ل تاخێ تەناهی ل دهۆکێ دژیت.