شەکر حاجی دەروێش بارۆ

شەکر حاجی دەروێش بارۆ

شەکر حاجی دەروێش بارۆ، سالا ١٩٤٤ ل گوندێ شێخدرێ ل دەشتا قائیدیا یێ سەر ب دەڤەرداریا سێمێلێ ڤە ھاتیە سەر دنیایێ.ل ساڵا ١٩٦٣ ئەو دگەل ١٠ کەسێن دی ژ گوندێ شێخدرێ دبنە ئەندامێن ڕێکخستنێن پارتی دیموکراتی کوردستان.ل دەستپێکێ شۆڕشا ئەیلۆلێ مامێ شەکر وەکو بەرگری مللیەکێ خوەبەخش پشکداریێ د شەرێ چیایێ زاوا دا دکەت. پاشی ل لناڤبەرا ساڵێن ١٩٦٤-١٩٦٥، ئەو دگەل حەجی عەلی ئێسفنی دبیتە پێشمەرگە، پشتی ھینگێ دچیتە دگەل تاھر عەبدولرەحمان خوڕکی ل ھێزا غازیێ حەجی مەلۆی، ل گۆندێن سینا و شێخدرێ دمینیت و پشکداریێ دگەلەک شەران دا دکەت.مام شەکر پشتی شەھیدبوونا تاھر عەبدولرەحمان، دگەھیتە محۆ مختار گەڤەرکی، پشتی ھینگێ دگەھیتە بەتالیۆنی شەهید تەیمور عەبدال شێخکی ل ھێزا شێخان و پشکداریێ دگەلەک شەران دا دکەت، مینا شەرێ بەرسینگگرتنا ھێرشا دوژمنی بۆ سەر ھێزا شێخان، ھێرشا سەر گوندێ پێدە و شەڕێ باعەدرێ….ھتد.

مام شەکر ھەتا شەھیدبوونا تەیمور عەبدال شێخکی پشکداری گەلەک شەرێن دی ژی دبیت ل دژی چەکدارێن پارتیا کومۆنیستا ئێراقی کو وی دەمی وان لگەل هێزێن ئیراقێ شەڕێ پێشمەرگەی دکر. ئێک ژ وان شەرا ژی شەرێ باعەدرێ بوو کو تەیمور شێخکی و عیسا بانی تێدا شەهید بوون.مام شەکر بەردەوام مینا پێشمەرگەکێ چەلەنک و نیشتمانپەروەر بەڕەڤانیێ ژ ئاخا کوردستانێ دکەت، نەخاسما ل مشارا دەشتا قائیدیا، کو بۆ چەندین جاران گوندێن وێ دەڤەرێ، نەمازە یێن ئێزدی نشین ژ لایێ ڕژێمێ ڤە تێن سۆتن و تالانکرن.مام شەکر ب دلەکێ تژی خەم و کۆڤان و بچاڤێن تژی ڕۆندک تاوانا سۆتنا ژن و زاڕۆکێن شکەفتا دەکان یا سالا 1969 ڤەدگێڕیت، دەمێ جاش و لەشکەرێ ڕژێمێ پتر ژ ٧٠ ژن و زارۆکێن سڤیل د وێ شکەفتێ دا سۆتین، کو (تاوانا) وان بتنێ ئەو بوو کو کوردن.مام شەکر پشتی ڕێکەفتنا ١١ ئادارێ دبیتە پاسەوانێ سنووری ل فەوجا دەرێ گەلیێ زیارەت ل ھێزا شێخان و بەردەوام دبیت ھەتا دەستپێکرنا شەری ل ساڵا ١٩٧٤. پشتی ھینگێ دیسان ل هێزا شێخان ل بەتالیۆنا سالحێ نەرمۆ درێژیێ ب خەباتا خوە یا پێشمەرگاتیێ ددەت ھەتا شکەستنا شۆڕشێ ل ساڵا ١٩٧٥.ل شۆرشا گۆلانێ مام شەکر ل دەشتا قائیدیا وەکو پشتەڤان و ھاریکارەکێ بەردەوام یێ شۆڕشێ و پێشمەرگەی ئەرکێ خوە یێ نیشتمانی و نەتەوی بجی تینیت.ل ساڵا ١٩٩١ پشکداریێ د سەرھەلدانا پیرۆزدا دکەت و ڕۆلەکێ چاک دگێڕیت.ڕێزگرتن بۆ وێ خەبات و تێکۆشینا وی د ڕێیا ئازادیا گەلێ گوردستانێ دا ئەو وەک پێشمەرگێ ئەیلولێ ھاتیە خانەنشینکرن