سەنتەرێ کۆماتە ل مێڤانداریا پێشمەرگێ دێرین مەحمود قەدشی

سەنتەرێ کۆماتە یێ دەکۆمێنتکرنا دیرووکا شۆڕشێ ل ٢٠٢٢⁄٢⁄٢٨ دبیتە مێڤانێ پێشمەرگە و خەباتکەرێ دێرین مەحمود قەدشی و د ھەڤدیتنەکا فێدیۆیی دا پەردێ ل سەر دیرووکا خەباتا وی یا شۆڕشگێڕی دھەلینیت و مینا بەلگەنامەیەکا دیرووکێ یا گرنگ دپارێزیت.

مەحمود محەمەد مەحمود، ناسیار ب مەحمود قەدشی ل ساڵا ١٩٥٠ ل گوندێ تویلەرێ ل دەڤەرا بەرواری بالا دھێتە سەر دونیایێ.

ل ساڵا ١٩٦٣ پەیوەندیێ ب ڕێکخستنێن نھێنی یێن پارتی دکەت، ل سەر دەمێ شۆڕشا ئەیلۆلێ وەکو بەرگری ملیەکێ ملکەچ ب ڕێبازا پارتی و بارزانی پشکداریێ د چەندین شەڕ و داستانێن شۆڕشێ دا دکەت.

پشتی شکەشتنا شۆڕشێ ل ١٩٧٥⁄٨⁄٢٦ دەست ب بزاڤ چاڵاکیان د ناڤ ڕێکخستنێن پارتی دا ل قەدشێ دکەت، ل ١٩٧٦⁄٨⁄٣ دگەل ١١ ھەڤەلێن خۆ دچیتە ناڤ ڕێزێن شۆڕشا گولان.

پشتی پەیوەندیێ ب شۆڕشێ دکەت، مالا وی ژ لایێ ڕژێمێ ڤە تێت گرتن و ل باشوورێ عێراقێ تێت زیندانی کرن..

ل ١٩٧٧⁄٥⁄٢٦ پشکداریێ د شەڕێ بێلمبیرێ دا دکەت.

لسالا ١٩٧٧ پشکداریێ د شەڕێ ھەکاری دا دکەت، دھەمان سالدا تێت ڤەگوھازتن بۆ ھەرک و بێداڤا ل ھەرێما دوو، ل وێرێ ژی ڕۆلەکێ پاش دناڤ ڕێزێن پێشمەگەی دا دگێڕیت، پشتی ھینگێ تێت ڤەگوھازتن بۆ دەشتا بەرازگرێ و دیوفدا جارەکادی بۆ دەڤەرا بەھدێنان.

ل ١٩٧٩⁄٥⁄٢٥ پشکداریێ د شەڕێ ھێڕشا ڕژێمێ بۆ سەر بارەگایێ لقێ ئێک ل کۆماتەی دکەت.

پشتی کۆنگرێ نەھێ یێ پارتی و ژ بەر چەلەنگیا وی دبیتە بەرپرسێ لەشکەری ل لقێ ئێک، پاشی دگەل مەفرەزا شەھید شەعبان غەفار درێژیێ ب خەباتا خۆ ددەت و پشکداریێ دگەلەک شەڕ و داستانێن شۆڕشا گولانێ دا دکەت، وەکی شەڕێ شەڕێ شۆش و شەرمنا ل١٩٨٣⁄٣⁄⁄٢٩ ل دەڤەرا زێباریان کو د وی شەڕی دا شەعبان غەفار شەھید دبیت.

ل سەرھەلدانا ڕۆلەکێ مەزن د ئازادکرنا قەشێ دا دبینیت .

پشتی سەرھەلدانێ ل ساڵا ١٩٩٧ دبیتە ئامر فەوج، پاشی دبیتە جێگرێ ھێزێن قەدش و دھۆکێ، ل دوماھیێ دبیتە ئەندامێ سوپای.