ئەڤرۆ ڕێکەفتی ٢٠٢٢⁄٦⁄١٤ شاندەکێ سەنتەرێ کۆماتە یێ دەکۆمێنتکرنا دیرووکا شۆڕشێ سەرەدانا کولیژا مێژوویێ ل زانکۆیا زاخۆ کر و ب گەرمی ژ لایێ دکتۆر ھۆکر تاھر تەوفیق ڕاگرێ کولیژا ناڤھاتی ڤە ھاتە پێشوازیکرن.
د دیدارەکێ دا ھەردوو ئالیان گفتوگۆ ل سەر کار و چالاکیێن سەنتەرێ کۆماتە ژلایەکی و کولیژا مێژوویێ و سەنتەرێ خواندنێن کوردی ل زانکۆیا زاخۆ ژ لاکەێ دی ڤە کرن.
ھەر دڤێ دیدارێ دا دکتۆر ھۆگر ڕاگرێ کولیژا مێژوویێ کار و چالاکیێن سەنتەرێ کۆماتە بلند نرخاندن و ب کارەکێ پیرۆز ل قەلەم دان و ھەژمارەکا پەرتووک و کۆڤاران وەک دیاری پێشکەشی سەنتەرێ کۆماتە کرن.
پشتی ھینگێ شاندێ سەنتەرێ کۆماتە سەرەدانا پەرتوکخانا زانکۆیا زاخۆ کر و لدوماھیێ ھەروو ئالیان تەکەز ل سەر ھەڤکاری وھەماھەنگیێ دناڤبەرا کولیژا مێژوویێ و سەنتەرێ کۆماتەدا کر.
