سەنتەرێ کۆماتە یێ بەردەوامە د تۆمارکرنا دیرووکا قارەمانێن کوردستانێ دا

عبدالکریم فەرحان کەشانی

عبدالکریم فەرحان کەشانی ئێک ژ قارەمانێن بەرنیاسێن دەڤەرا بەهدینایە. ئەو دژیەکی بچویک دا ل شۆڕشا ئەیلولێ دبیتە پێشمەرگە، کو وی دەمی بابێ وێ ژی ئێک ژ کادرێن لەشکەریێن شۆڕشێ بوو.

عبدالکریم پشتی شکەستنا ساڵا 1975 مالباتا وان تێتە دویرئێخستن بۆ ژێریا ئیراقێ، لێ پشتی ئەو دزڤرنەڤە سەر گوندێ خوە ئەو دەست ب کارێ رێکخستنێ دکەت و رادەستی داگیرکەریێ نابیت.

ل ساڵا 1976 ئەو ژ ئالیێ لەشکەرێ بەعسیا ڤە تێتە گرتن، لێ ئەو ب مێرانی خوە ژ دەستێ وان رزگار دکەت و ب برینداری خوە دگەهینیتە سنوورێ باکوورێ کوردستانێ و دبیت ئێک ژ وان پێشمەرگێن کو چریسکا ئێکێ یا ئاگرێ شۆڕشا 26 گولانێ گەشکری. ل هەمان سالێ ئەو چەند چالاکیەکێن فیداکاری ل دژی هێزێن دوژمنی ئەنجامددەن.

پاشی دبیتە فەرماندێ مەفرەزەکا پێشمەرگەی و بەردەوام دبیت د کار و چالاکیێن خوە دا، پاشی ژی دبیتە بەرپرسێ رێکخراوەکا پێشمەرگەی سەر ب لژنا زاخۆ ڤە. ئەو دژیانا خوە یا پێشمەرگاتیێ دا چەند جارا برینداربوویە.

ل ئەنفالێن 1988 دبیتە پەنابەر ل کەمپا ئامەدێ ل باکوورێ کوردستانێ.

ل سالا 1991 پشتی سەرهەلدانی دزڤریتەڤە کوردستانا ئازاد و وەک کادرەکێ لەشکەری بەردەوام دبیت ل سەر ئەرکێ خوە ئی پێشمەرگاتیێ. دوماهی ئەرکێ وی ژی ئەندامێ سوپایێ 2 یێ سەر ب زێرەڤانیێ ڤە بوو. پاشی خانەنشین دبیت و نوکە ل زاخۆ دژیت.

دیسان ل ساڵا 2014 و 2017 پشکداریێ دشەرێ داعش و حەشدا وەحشی دا دکەت.

ئەڤ کورتە ڤیدیویە پارچەیەکە ژ وێ هەڤپەیڤینا 3 دەمژمێری یا مە لگەل ئەنجامدای.